به د نړۍ په دې سيمه كې د انټرنيټ له لارې د تجارتي اعلانونو كار وبار وغوړېږي.
د رويټرز اژانس له راپور سره سم، همدا اوس ډيجيټل ميډيا د منځني ختيځ او د افريقا د شمال په سيمه كې يوازې يو الى دوه فيصده تجارتي اعلانونه خپروي چې د تلويزيوني اعلانونو په پرتله خورا كمه فيصدي ده.
خو څرنګه چې په نوموړې سيمه كې ځوان نسل په خورا لويه پيمانه انټرنيټ ته مخه كړې ده نو دغه شى به د ويپاڼو له لارې د اعلانونو خپرول زيات كړي. له يوې سروې سره سم، په سلو كې اته اتيا پوښتېدليو ويلي دي چې دوى د ورځې لږ تر لږه يو ځل انټرنيټ ته سر ورښكاره كوي خو هغوى چې په اونۍ كې هره ورځ تلويويزيون ګوري ، شمېر يې په سلو كې اويا دى .
دغه راز يوازې په سلو كې پنځه ويشت پوښتل شويو كسانو ويلي دي چې د ورځې تر درې ساعته ډېر وخت تلويزيون ګوري ، حال دا چې په سلو كې يو پنځوس پوښتل شويو كسانو ويلي دي چې انټرنيټ ته د ورځې تر درې ساعتونو ډېر وخت ناست وي.
13.02.2013
- امیل همدرد
دا ستوری له ځمکې څخه دوه ویشت نوري کاله لېری دی خو جالبه دا ده چې د ساینسپوهانو په وینا زموږ په کهکشان کې دننه دی. په وروستیو دوو کلونو کې دا څلورمه سیاره ده چې منجمان وايي، ښايي د ژوند کولو امکان پکې وي.
نوري کال په یوه کال کې په خلا کې د نور حرکت ته وايي چې د ریاضي په حساب له لس تریلیون کیلومتره واټن سره انډول دی.
ساینس پوهان وايي چې دا سیاره یې زموږ په خپل کهکشان کې، چې اسمانڅکالی یا Milky Way په نوم یادېږي، موندلې ده....
13.02.2013
- امیل همدرد
دا فرضیه پیاوړې شوې چې مځکه لکه چې یو بل موقتي قمر هم لري.
په ۲۰۰۶ میلادي کال ستورپوهانو د مځکې د مدار په شاوخوا کې یو مرموز جسم ولیده چې په لومړیو کې یوې خرابې شوې ستور بېړۍ ته ورته ښکارېده. خو په حقیقت کې دا یوه وړه سیاره یا سیاره ګۍ وه چې د مځکې مقناطیسي میدان جذب کړې وه او تر ۲۰۰۷ پوري زموږ د کُرې په شاوخوا کې راګرځېده.
د کورنل پوهنتون ساینسپوهان د غیرمعمولي قمرونو د شمېر په اړه د تحقیقاتو په نتیجه کې پر دې فرضیې باوري شوي چې ممکن مځکه یوه بله موقتي سپوږمۍ (قمر) هم ولري....
