وخته راوګرځه دنیا راوړه
ما ته مې بېرته خپله ساه راوړه
زما له وجوده دې زه وړی يمه
هله ما راوړه، هله ما راوړه
ما نه د سترګو رڼا چا يوړه؟
ما ته د سترګو رڼا چا راوړه؟
ستا د ساه ځوږ به رانه خوب يووړ
نشه به ستا د زړه درزا راوړه
زړه مې په تاپسې راووت،که نه
دلته بلا زړونو پناه راوړه
زما لوټې لوټې زړه دې ولې جوړ کړ
ولې دې بیا ورته رڼا راوړه
چا مې ډيوو پسې بادونه راوړل
چا مې ايرو پسې هوا راوړه
يوې رنګينې بلا رنګ ورکړی
کنه شفق ته چا ځلا راوړه؟
۶ اګست ۲۰۱۱
شنبه، د روژې شپږمه مازديګر
سلام وطنداره راډيو دفتر
09.08.2011
- نورګل شفق
څنګه کړم بدله د زړګي دنیاغوښه یم خو کاڼی به مې کړي دنیا
زړه مې لکه موم شي رانه وڅاڅيڅوک چې د يو چا له نړۍ وړي دنیا
سترګو ته مې چل د ژړا نه ورځي
زړه دی چې دننه ژړوي دنیا
ته چې وې نو روغه جوړه وي دنیا
ته چې نه یې، ړنګه بنګه وي دنیا
&nbs...
17.09.2011
- نورګل شفق
څو کاله پخوا له ژونده مرور شوی وم، غمونه ډیر وو، خو د زړه خوالې لپاره مې څوک نه لرل، يو خدای و او يو زه، ځکه مې نو خدای پاک ته درې مخه يو ليک وليکه، زړه مې ټول په هغه لیک کې ورته کيښود، ښار کې مې يو قران شريف هديه کړ، پل خشتي جومات ته لاړم،ياسين شريف مې څو ځلې ولوست،وايي چې ياسين د قران زړه دی، د هغه زړه په منځ کې مې ليک ورته کېښود، څو رکعت...
