دا ستا د وجود اوه ، واړه رنګونه ، کتابونه
قسم دى درته نه رسي ګلونه ، کتابونه
د ژوند لار يې راوښوده ، جنت ته يې تيار کړم
ما لوستي دي ، د مور او پلار لاسونه ، کتابونه
چې ستا د خولې خبرې رانه هېرې شي دلبرې !
بې ځايه دي څلوېښت زره بيتونه ، کتابونه
نړۍ ستاسو د ذهن تصويري خبرې مړې دي
زمونږه د ټولنې تصويرونه ، کتابونه
د مينې د لفظونو څاڅکي ، څاڅکي ترېنه اوري
جانانه ستا د سترګو خُمارونه ، کتابونه
چې سره مخونه ، تورې سترګې ، شنه خالونه ګوري
ساحله ! څوک به ولولي شعرونه ، کتابونه
31.03.2012
- احمد بختيارساحل
(له څه مودې راهيسې چې پخپله راډيو (( کليد )) کې ماته د رڼې چينې په نوم يوه ادبي خپرونه راسپارل شوې ده د ادارې خوښه دا وه چې زه بايد په کې له شاعرانو سره د هغوى د ژوند په تړاو مرکې نه بلکې د ادب له مخکښو کسانو سره په ادبي ژانرونو مرکې وکړم .دغه خبره زما زړه ته هم کېوته او تر اوسه پورې مې منلې ده ما به دا مرکې تر پينځلسو اړولي وي ، خو کومې مرکې چې ماته ډېر خوند راکړى دى او راته په زړه پورې ده هغه همدا ده چې تاسو به يې ولولئ ما ښه وګڼله چې دا مرکې تاسو همداسې په ليکلې بڼه...
10.09.2012
- احمد بختيارساحل
د خپلې مينې د جنون بازار ته ډېر ګورمهچې ترېنه وځمه ښايسته ننګرهار ته ډېر ګورمهچې راته ووايي بختياره خداى دې مه خواروهپه دغه وخت کې مې سپين ږيري پلار ته ډېر ګورمهزه مې د زړه په کيفياتو باندې ښه پوهېږمدا رانه مه پوښتئ چې ولې يار ته ډېر ګورمهپه کومه لار چې د غريبې جلۍ کډه وځيپه هغه لاره ناست يم هغې لار ته ډېر ګورمهکله ناکله د ساحل تصوير په جېب کې ساتمکله ناکله بيا ساده بختيار ته ډېر ګورمه...
