دا هغه مینه نه ده
دې ته زه څه ووایم
ما ویل مینه به وي
چې مې د خوږ زړګي په رګ کې ښوري
ما ویل مینه به وي
چې مې د زړه لیمو ته لکه رانجه پورې ده
ما ویل مینه به وي
چې یې تل ذکر د زړګي په غوڅه ژبه کوم
ما ویل مینه به وي
خو دا هغه نه ده چې ما ګڼله
دا هغه مینه نه ده
دا یو احسان د ی دتقدیر د لوبو
چې یې شوم لاس بیا زما په سر تیر کړی
ما ښه لیده چې په زړګي یې راته زخم راکړ
زخم د مینې د الفت او د خوږو ارادو
ښه د دردونو امیدونو او پستو افسانو
او بیایې مالګه داحسان ورباندې وباشله
(چې زه تنها او دردیدلې یمه)
دې ته زه څه ووایم
ما ویل مینه به وي
ما ویل مینه به وي
