وتره مې په اوښکو کړه توده ځمکه
غم مې وکرلو په ښوره ځمکه
پام کوه قدم مې په زړگي مه ږده
يبلې پښې څوک کله ږدي په سره ځمکه
پريږده چې دا وچې شونډې کيږدمه
ستا د رخسارونو په لمده ځمکه
څنگه به يې کر ښيرازه کيږي نه!
موږه اوبه کړې په خوله ځمکه
تا ته به خوږه نشه د مينې شم
بنگ يمه پخيږيم په ترخه ځمکه
12.11.2007
- baz
لاس او پښې وهمه ستړی ستړی يم مينې کې دې هسې اوبو وړی يم
مه مې غورځوه د غورځيدو نه يمومې کره شين به شمه زړی يم
مينه غواړم. زړه غواړم له ښکليو نهسوال يمه لا هغسې نيمگړی يم
مه ويريږه، خوله مې نه شته نه دې خورمزار نه لرم، مار نه يمه، پړی يم
ما باندې احسان چې وخته ونه کړېزه مې د ژوندون پر اوږو مړی يم...
12.11.2007
- baz
توبه مې وايسته سحر ويريږمچې له مغرب راخيژي لمر ويريږم
په شوخ نظر چې راته ونه گورېله شوخو سترگو نه اکثر ويريږم
پام چې د نه راتلو يې و نه وايې!ريباره زه له دې خبر ويريږم
لکه شبنم د گل په پاڼه پاڼهزه د تودوخې له اثر ويريږم
د زړه زخمي کابل مې نور مه چيړئچيرته ناسور نه شي پرهر ويريږم...
