جانان مې داسې په ځيگر وي غلی
لکه ليمو کې چې نظر وي غلی
ستا د راتلو په انتظار انتظار
داسې ولاړ يم لکه غر وي غلی
خود به منگی دا ستا په سر ماتوي
چې ليونی دې په گورد وي غلی
ستا د وصال روژه په خوله پاتې شوم
د يتيمانو خو اختر وي غلی
زما په غم داسې جانان وي غلی
لکه د بر په غم چې لر وي غلی
11.11.2007
- baz
ستا التفات مې کړي نظر په ځمکهباڼه مې لگي د ځيگر په ځمکه
چې مې سبا آرمان په دار ځړويهرگز دې رانه شي سحر په ځمکه
اوښکو ثمر به ترينه څه واخلمهتاسې خو کړی د غم کر په ځمکه
روح به مې خاورې سره مينه لريچې راته خوب راځې اکثر په ځمکه
*تر هندوستانه يې شغلې خورې ديداسې روښان و لکه لمر په ځمکه
هغه چې تل يې تخيل سروش واوس اوس اوده شو د خيبر په...
11.11.2007
- baz
ته خو به لاړ شې ستا تصوير مې له نظر نه ځيجانانه ستا ياد مې د څړيکو له پرهره نه ځي
ما مې د زړه په شش محل د ښکلي نوم ليکلیپه هر ساه کې ځي راځي خو له ځيگره نه ځي
د گل په غيږه کې اوسيږي خو آرام نه لريد پرخې مينه ازلي ده چې له لمره نه ځي
موږه د خپل آرمان په څلي باندې ډېر وژړلخو دا ناسازې لا د وخت له ستمگره نه ځي
اوس نه بنگړي ماتيږي، نه د پيغلو جونو منگياوس هغه شور زموږ د کلي له گودره نه ځي...
