يوازې تاته!
يوازې تاته يې ليکم
هغه دا چې د زړه په هر ګوټ کې مې ستا نوم ليکلی
تا ته ستا د کليزې مبارکي په داسې حالت کې درکوم، چې د زړه د کتاب په هره پاڼه مې ستا نوم ليک شوی او په هره ساه کې مې شريکه شوې يې.
ښايي باور ونه کړې:
داسې يو څوک به وي، چې له ځانه دې هم ډېره غواړي
هو داسې څوک شته او په ډېر وياړ يې و ايم
هماغه زه يم
راځه چې د مبارکۍ په توګه درته د زړه په کور کې مې جوړه شوې دعا درواستوم
((ستا د ژوند جنت دې اوږدمهاله او تل ښېرازه وي))
کليزه دې مبارک
يوازې ستا....
17.03.2010
- samim
زما او ستا نېکمرغه ورځ
نن ستا د پيدايښت او زما د ژوند تر ټولو غوره ورځ ده
ستا موسکا زما د ژوندانه تر ټولو خوښوونکې شېبه ده
او څومره ښه، چې خدای تعالی ستا په څېر پرښته زما لپاره په دې ورځ پيدا کړې.
او رښتیا هم چې زه یې بايد منندوی اوسم
او د عمر تر پايه یې ستاينه وکړم.
...
28.03.2010
- samim
بې له تا ژوند نه تېرېږي!
د ستورو ننداره وکړه، چې شپه یې رڼه کړې.
بې له تا زما شپه بې له ستورو ده.
لمر ته وګوره، چې د تيارو د رڼولو په پار روڼ شوی
بې له تا زما ورځ لمر نه لري.
چمنونو او ښکلاوو ته نظر وکړه
بې له تا زما ژوند له چمن او زرغونتيا خالی دی....
