محمد اغه:
داسیمه دلوګر لومړنۍ ولسوالۍ ده،چې له پلازمینې کابل سره ۴۰کیلو متره واټن لري .ددې سیمې تسمیه په دې ډول ده،چې له غزني څخه دوه ورونه دمحمد اغا او جمال اغا په نامه لوګر ته راغلل.محمد اغا ېې په لوګر کې میشته شو او جمال اغا ېې په شمالي کې،چې اوس هم دشمالي په کاپیسا کې دجمال اغه په نامه دیوه ځای نوم دی.محمد اغه دهمدغه لومړني ورورنوم دی چې اوس دلوګر یوه لویه ولسوالی په ده پورې مربوطه ده.
دلوګر دغه تاریخي سیمه او ولسوالۍ له کولتوري پلوه ډیره بډایه سیمه ده.لکه دسلطان صیب غر،زرغون ښار، شاهي کلا،مغل خیل،ګمران او داسې نور دفرهنګي ارزښتونو له پلوه ډیرې زیرمې لري.همداډول په دغه سیمه کې طبیعي معدنونه ډیر زیات دي.دبیلګې په توکه دعینکو مس،دسلیمان دغرونو لړلۍ چې په لوګر کې دغه غره ته تور غر وايي،ډیرې ارزښناکې ډبرې لري،چې ۶۰فیصده ورکې اوسپنه اوکرومیت ګډ دي.ددې ډبرو راایستنه اوس په ناقانونه توګه دوام لري.دغه سیمه دروسانو دیرغل پرمهال سخته ځپل شوې او خلک ېې تر دې مهاله له اقتصادي ستونزو سره لاس او ګریوان دي.خو بیا هم له مدني او کولتوری ژوند څخه برخمن دي.
سقاوې دښته:
داستره او ارته دښته دکابل او لوګر په منځ کې پرته ده،چې په سلګونه جریبه ځمکه ېې راچاپیره ګړې ده.ددې سیمې دنوم ایښودو شالید داسې دی،چې تر دې نوم وړاندې ددې سیمې نوم سې ګاوه و. «سې ګاوه»په سقاوه واوښته. دسې ګاوه نظر هم سم او پرځای ځکه چې د افغانستان په سویل لودیځ کې اوس هم د ششګاو په نامه شته ده.او دا نوم ایښوده ځکه شوې چې پخوا په ځمکې دغوایانو په حساب ګز کیدې چې وروسته وورسته په میټریک سیسټم واوښتې، نو ددې سیمې تاریخي پس منظر په دې ډول تیر شوی دی.
