درې پوښتنې درې ځوابه
- په بازار كې د زړه د درد درمل پيدا كيږي؟
نه، نۀ پيداكيږي، خو نوى زړه پيدا كيږي
- آيا رښتيا دېوالونه غوږونه لري ؟
نه، نه يې لري! خو د ګاونډيانو غوږونه د دېوالونو سره لګېدلي وي
- د ښځې اصلي څېره كله مالوميږي؟
د مېكپ د لرې كېدو نه پس
د مجلس آداب
ښځې خپل خاوند ته وويل: ستا د ملګري مېرمن د مجلس په ادابو نه پوهيږي، پرون مې چې څومره خبرې ورسره كولې، دې ايله سا ايسته او ننويسته .
خاوند يې وويل : كېداى شي هغې به څه ويل غوښتل.
صيغه
استاد: زه ښايسته يم كومه صيغه ده؟
شاګرد: ماضي ؟
استاد: ولې ؟
شاګرد: ځكه چې ستا د ښايست وخت تېر شوى دى.
ثواب
يو مولانا په جومات كې وويل: كه يوڅوك د شفقت له مخې د يو يتيم په سرلاس تېر كړي، دومره ثواب به يې وشي لكه څومره چې ددې يتيم په سر ويښته دي.
يو سړى پاڅېد او ويې ويل: مولانا صيب كه يتيم ګنجۍ وي ؟
