غزل

اتل افغان\\\\\\\کوهاټ 

دافاصله چې منځ نه لرې وی هنداره نه وی

خپله څیره چې مې ملګرې وی هنداره نه وی

چې ښکاریدلی په کې نه دچا ظاهر او باطن

کاش چې دا زړونه مو ډبرې وی هندارې نه وی

ولې به خپل صورت دخپل صورت پیغور راکوه

ګرانه چې مخامخ خبرې وی هنداره نه وی

مونږ که خودلی نه وی ښکلو ته دفن سلیقه

اوس به دهغو سره زغرې وی هنداره نه وی

تاسره غم و دزخمی  څیرو اتل افغانه

تابه راخیستی ملغلرې وی هنداره نه وی