د ګلپاڼو پړونى
د ګلپاڼو پاڼې
رنګ د محبت په شيبو پروت ښه دى
څه سرور په ويښو جذبو پروت ښه دى
للمې چې د زړونو كړي خړوب خړوب
مخ دې دښايسته پر اوبو پروت ښه دى
غېږ كې د شوګير اوسم په سرو سترګو
خوب مې دموسكا په تمبو پروت ښه دى
ستا پر سر پړونــــــــــــــــى د ګلــــپاڼو ښه
زما پر سر څادر د لمبــــــــو پروت ښه دى
را د نرګســـــــــــي ميو پيــــــالې ساقي
پرېږده زاهــدجان په توبو پروت ښه دى
ځوږ ځوږ چې جلانه شي خاموش ماحول
غږ، غږ د ټپو په چمبو پروت ښـــــــــه دى
سيدجيلاني جلان
يادونه : دغه غزل د ګلپاڼواتڼ له کتاب څخه راخيستل شوى دى
