|
|
|
وَاِلٌهُكُم اِلٌه وَاحِد لاّاِلٌهَ الا هُوَالرحمٌنُ الرحِيم ژباړه : او معبود ستاسي معبود يو دى بل څوك دعبادت لايق نشته مګر هم دى خورامهربان پوره رحم لرونكى دى ښكاره خبره ده دچاپه زړه اودماغوچي تو حيد خپور شي نو دنيا ورته جنت ادټولني څخه يي جګړي او فسادونه ختم شي ددى عقيدى لرونكي ددنيا دهر خوف اوخطر څخه بي پروه زندګي تيروي. او د لااله الاالله كليمې ويلو مفهوم همدا دى . دتوحيد لپاره يوازي په ژبه اقرار كافي ندى بلكه دزړه تصديق ور سره ضروري دى ( معارف القراّن جلد1صفحه١٣٩) اوس به په الله تعالي باندي ځمونږ دعقيدى په اړه دحضرت مولا نا اشرف علي تهانوي دكتاب څخه ترتيب وار ليكنه كوو (١) عقيده : ټول كاينات نه وو موجود الله تعالي پيدا كړل (٢)عقيده : الله يو او دهيچا محتاج نه دى (٣)عقيده : الله هميشه موجود وو او هميشه به وي (٤)عقيده : هيڅوك او هيڅ شى دالله په څير نشته (٥)الله ژوندى دى دالله قدرت پر هرڅه دى دالله دعلم نه هيڅ پټ نه دي هغه هرڅه ګوري هرڅه اوري او همدغه ذات دعبادت لايق دى .شريك نه لري په خپلو بندګانومهربان دى بادشاه دى دټولوعيبونو څخه پاك دى همدا دعزت والا دى دلوئي والا دى پيداكونكي دى رزق وركونكى دى چاته چي وغواړي رزق زياتوي اوچاته چي وغواړي كموي څوك چي وغواړي عزتمند كوي اوڅوك چي وغواړي ذليل كوي دانصاف څښتن دى دعاء قبلونكي دى (٦)بندګانو ته الله پوهه اواراده وركړي چي دګناه اوثوابكار بيا په خپل اختيار كوي (٧) الله تعالي خپلو بندګانوته داسي حكم نه دى راليږلى چي په توان كي يي نه وي (٨)دخداي په زمه هيڅ لازم نه دي چاته چي څه وركوي دايي فضل دى.
|
