ستا د موسکا نښه په زړه کې ساتم
لکه کتاب کې د تاووس بڼکه
او ستا دسترګو تصویر
لکه خوږه څړیکه د ژوند په درد کې
بس ما ته نور هیڅ هم را پاتې نه دي
عشق دزمان دتورو غرونو له شا
کوکې باسي
لکه یو باد په کنډوالو کې راتاویږي
وایي:
مرګ راروان دی ! ته خبر یې که نه؟
زه ورته وخاندم او وینې له زخمي پښو نه وڅنډمه
هو !
زه هم د ژوند له دې ستومانه مزله کرکه لرم.
مرګی دې راشي، چې لږ دمه وکړم.
مګر د زړه کتاب کې
ستا دموسکا رنګونه
اوستا دسترګو تصویر
دمرګي مخه نیسي
له تا نه هیله کوم
ما مې د مرګ کلي ته ورسوه!
زه مې د ژوند له دې ستومانه مزله کرکه لرم.
۱۳۸۹ / لیندۍ / ۱
کابل
21.11.2010
- wadan
په ولسواکو ټولنو کې د دولت ( دریواړو ځواکونو: اجرائیه، مقننه او قضائیه) او ملت ترمنځ د اړیکې ډیره ساده پیژندنه دا ده: ملت رایه ورکوي او دولتي اراکین ټاکي، دولتي اراکین ددې لپاره کار کوي چې د خلکو رضایت ترلاسه کړي او واک وساتلای شي ، مخالف ګوند ( ګوندونه ) چې په اپوزیشن کې دي غواړي خلک په دې قانع کړي چې دوی( اپوزیشن) تر حاکم ګونده ډیر څه کولای شي ، ځکه خو بل ځل ښایي خلک دوی ته رایه ورکړي. دا رابطه خامخا جزئیات لري او تر دې ساده شرحې یو څه پېچلې ده، خ...
06.12.2010
- wadan
په ترکیه کې مې د ټولنپوهنې له یوه استاد سره د افغاني او ترکي ټولنو په مشابهتونو خبرې کولې، ټوکي او خوښمزاجه استاد و، د سیاسي ګډوډیو پرمهال یې د دوو سانډوګانو ( د دوو خویندو مېړونه) کیسه کوله چې یو سیاستوال و ، بل سوداګر . سیاستوال دکوم ګوند مشر شو او دا بل، چې سختې سیالۍ راپارولی و، خو د سیاست پوهه او حوصله یې نه درلوده ،کوم چا ته ډیرې پیسې ورکړې چې دده په نامه نوی ګوند ثبت کړي. دې طنز ته مو ښه وخندل او مجلس بلې خواته ولاړ ... خو ماته یې دځینو...
