مهم ټکي:
· لمفاوي سيسټم، بدن له مضره موادو څخه ژغوري او د اضافي بين الجروي مایعاتو د ټوليدو مخه نیسي.
· د لمفاوي سيسټم ډيرى حجري هغه ليوكو سایټونه دي كوم چي دويني د ليوكوسایټونو په شان ورته ساتونكي رول لري.
· ټانسلونه، توری او دتايمس غده د لمفاوي سيسټم برخي دي دغه راز لمفاوي غوټي هم په لمفاوي سيسټم كي شاملې دي.
· لمفاوي سيسټم او دوينې دوراني سيسټم مایعات په بدن كي جاري ساتي.
خو دواړه سیسټمونه ښکاره توپیر لري، داسي چي:
۱ لمفاوي سيسټم د زړه او رګونو په شان يو تړلی دوراني سیسټم ندی او يو مركزي پمپ نلري.
۲ لمفاوي سیسټم د نریو ديوال لرونکو رګونو څخه چي رڼه مايع لیږدوي جوړ شوی دی.
· لمفاوي سیسټم څلور مهمې او غټې دندې لري:
1- لمفاوي سیسټم له هغو بين الحجروي مایعاتو څخه چي په بدن كي د حجراتو په شاوخوا جاري دي، اضافي او به او پروټینونه ټولوي او دويني جريان ته یې د لمف په ډول ورستنوي.
2- لمفاوي سیسټم د وړو كولمو له هغو انساجو څخه چي كولمي یې پوښلي دي شحميات دوینې دوران ته ورلیږدوي.
3- لمفاوي سیسټم مايكرو ارګانيز مونه او اجنبي مواد له منځه وړي.
4- لمفاوي سیسټم د مايكرو ارګانيزمونو او اجنبي موادو په وړاندې داوږدې مودې دفاعي څواک (معافیت) پیداکوي.
