ژوند دلته لا هاغسې زموږ پر اوږو بار دى
لويه فاصله ترمنځ دكلي او د ښار دى
څنگه به سپرلى زما له وينو نه رنگ واخلي
دلته خو هغه هم دمرگ كومه كې ايسار دى
اوس به دا ډبرې د ښايست مجسمې كړي
دغه سړى گورئ هم شاعر دى هم فنكار دى
ستړې موساگانې دي خو لاس مو په خوله ايښى
هر چا ته ولاړ د كور په وره كې يو ښامار دى
ډېرې زمانې وشوې كنډرو كې اوسېږو
دا وطن چې وران شي موږ يې جوړ كړو دا مو كار دى.
29.10.2007
- janan
باران ورته څه پرېښودل، ږليو څه ونه كړلتنكي وږي يې يوړل ترې، سيليو څه ونه كړليو، دوه نه، ډېر همزولي مې له سترگو ترې تم شولپه موږ پردو جگړو، پردو گوليو څه ونه كړلكوڅې د ښار زړې شولې په تمه د راتلو يېيو پل يې پرې پېرزو نه شو، سپرليو څه ونه كړلد غرو برېتور واړه د برېښنا غيشو شهيد كړلدې شپې په ويدو سترگو دغوټيو څه ونه كړلدا ستا د غزل چيغې ښكاري نه رسي اسمان تهشمسزيه دلفظونو دې زگيرويو څه ونه كړل....
14.11.2007
- janan
د افغانستان د ولسواليو د پرمختيايي شوراگانو استازو، بهرنيو ديپلوماتانو او ژورناليستانو ته د لويې جرگې په كېږدۍ كې ښاغلي كرزي يوه تاريخي وينا وكړه، چې تېره شپه په ملي ټلويزيون كې هم خپره شوه اود ډېرو خلكو غږ غوږ يې پورته كړ. ښاغلى كرزى په دغه غونډه كې تر پخوانيو غونډو لږ څه غيرمنظم خو رښتيا وغږېد. په پيل كې داسې معلومېدل چې غواړي په رمز سره خپله موخه خلكو ته ورسوي خو په خبرو خبرو كې داسې حالت ته ورسېد چې نور يې نو زړه طاقت ونه كړ هغه څه يې دغونډې برخوالو ته په سپينو ټكو او ولسي ژبه وويل چې...
