راغلي لیکونه

راليږونکی :محب الله اسرار
د راليږونکي پته :mohib_israr@yahoo.com
نيټه : 18-01-2007

ګرانه شمسزيه! له کومې ورځې دې چې راباندې دې جانان د راتلو زيرۍ کړى دى له خوشالۍ نه په جامو کې نه ځاييږم. او وبخښۍ چې له جانان سره دومره مصروف شوم چې ته او ستا زيرى مې له ياده ووت. اوس نو ته وايه چې په زيري کې څه غواړې؟ د لغمان د میلمه پالو په ديره کې بنډار او که د لاهور شاهي کلا ته ورڅيرمه پنځه پوړيز هوټل کې ګرم مصاله دار خوراک.

که جانان هرڅومره خايسته شي خو مين يې په زلفو کې د لا ښکلا لپاره د ګلانو په لټون کې وي نو ما هم د جانان د اوربل لپاره يو ګل د اسلام او د نورو مذهبونو دپرتله ايزبحث لړى چې د ښاغلي ډاکټر ذاکر نايک له خوا خپريږي خوښ کړى دى. که جانان نوموړۍ ګل خوښ کړ نو ډير زر به يې ورته وخت په وخت ډالۍ کوم.

په ډيره مينه او د جانان د لا ښکلا په هيله

محب الله اسرار

جانان: اسرار صیب وایې چې کله ښه کار کوې نو له چا نه پوښتنې ته ضرورت نه شته. زه وایم ګوړه که له هرې ډډې وڅکې خوږه وي انتخاب ستا او تګ زما.

مننه له لیک نه مو

راليږونکی :رحمت الله کوثر
د راليږونکي پته :r_kawsar@hotmail.com
نيټه : 26-09-2006
IP : 62.192.147.222
ګران او زړه ته راتير شمس زی صيب!
هيله لرم چې جوړ او روغ وې، د ويبلاک په کتلو دې ډير خوښ شومه، الله دې نور هم بری درکړي، ښکلي توکي دې په کې راټول کړي دي، د يوويشتمې پيړۍ له جادوګرې تيکنالوژۍ څخه ډيره مننه چې ستا ويبلاک مې د کمپيوټر په سکرين کې پروت دی او په خوند يې لولمه .
بری او خوشحاله ژوند درته غواړمه
رحمت الله کوثر
بدخشان ، افغانستان
جانان:
کوثر صیب ته هم  بلا کوې، نه ایمیل او نه ټیلفون، د هوسۍ مجله  خو به کومه یوه درسره وي هلته د ټولو لیکوالو ټیلفونونه او ایمیل ادرسونه شته، په یوویشتمې پېړۍ کې بدخشان تر خوست هم نږدې دی باور وکړه ډېر نږدې، ته خو همدا اوس  په دې نومره یو غږ وکړه (۰۷۰۶۰۲۵۰۴) او بیا وګوره چې د غږ ځواب څوک درکوي.
دا مې هسې په چل کې خپله نومره درکړه، مننه له پیغام رالېږلو، خوشحاله شوم چې په ډېره ښکلي طبعي سیمه کې اوسېږي، اوس به  دې نو د شعرد تولید بازار ښه ګرم وي.
بری دې غواړم

راليږونکی :عبدالهادي حيران
د راليږونکي پته :ahhairan@yahoo.com
نيټه : 26-09-2006
IP : 202.147.176.70
ياره شمسزى صېبه، مبارک شه. ډېر ښه شو چې وېبلاګ دې جوړ شه. هيله لرو چې د خپلو ښو خاطرو څخه به مو همدغسې خبر ساتې. خو دا سړى څوک ؤ چې ستانه مير زهير ته يې د بلې دنيا سړى وايه؟
ورور دې
ع. حېران
جانان:
مننه حیران صیب، لیدلی مې نه یې خو د کندهاریانو خبره ښه بیداره راته ښکارې، په لږ وخت کې دې ډېر ې فرهنګې لاسته راوړنې درلودې،  دهغه سړي د ایمیل ادرس به درولېږم بیا ورسره ګپ شپ ولګوه ډېر ټوکي دی، داسې خبرې به ترې واورې چې  تر ډېره عمره درسره خاطره پاتې شي. هو خو دا وعده به کوې چې ادرس به یې بل چا ته نه ورکوې .
هڅاند اوسې

راليږونکی :عبدالهادی \"حضرت زی \"
د راليږونکي پته :hazratzai@gmail.com
نيټه : 26-09-2006
IP : 82.205.190.30
ګرانه وروره شمس زی
ستا د ویببلاګ په لیدو سره ډیر زیات خوشحاله شوم او زه خپل د زړه د کومی مبارکې تاسی  ته وړاندې کوم موږ ټول خپلی هڅې کاروو تر څو لا ډیر موضوعات را ټول کړو چې دغه سایت چې تاسو برابر کړی لا پرختیا ومومی .

په درناوې
ډاکتر عبدالهادی

جانان:
هو ګرانه همکاري وکړﺉ، اورېدلي به مو وي چې پښتو ژبې سره  د یوې بهرنۍ ژبې په څېر چلند کېږي، که چېرې  پښتانه مټې را ونه نغاړي نو خدای  مه کړه دصدیق افغان هغه پوچه فلسفه به رښتیا شي چې ویلي یې وو، پښتو به د نړۍ د ژبو له کتاره په نږدې وخت کې ووځي. مننه له لیک رالېږلو څخه مو.
بنډارونه مو تاوده اوسه

راليږونکی :mirwais omarkhil
د راليږونکي پته :mirwais_ngr@hotmail.com
نيټه : 26-09-2006
IP : 83.102.193.178
سلا مونه او نيکي هيلي ٦nbsp;

ګرانه هسي خو پخوانه مو سره روغ بړ درلوده ډيرو سلامونوته هم اړتيا نشته
له هيواده لري د پرديسي په ژوند کې هرشيبه مي دهېواد د ملي ژبي يعني پښتو ويب پاڼی کتلی چي ستا پرهېلو ولاړ جانان باندې مې سترګه ولږيده ، اخ جانانه څومره راته ګران يې ، چې هره شيبه دې يادوم ژړا راځينه
دا مي هسي درته د يو ملګري دخولی خبره وکړه رښتيا راباندې وايي ډيرخوشحاله شوم ، دامې خپل پښتوسره قسم کړی ، اي جانانه ستا لپاره ، نه دې هېروم له زړه نه راته ګران يي ، ته نه شمزيا ستا ژبه هو داحمدشاه بابا ژبه يادوم اوبس
دا هرچاته ګران ، او دامې د زړه خبره نوځکه دې ستايم ، ستايم که دې نه ستايم نو ستايم به دې ستايم ؛ په لوی خالق دې سپارم٦nbsp;
ميرويس عمرخيل
مسکو ښار ، ميکلايا ميکلوخ
روسيه جاجج
جانان:
ورځو د تورو غرو تر شا ویدې جذبې ويښوو
که مو ملګری څوک په دې اخلاص شي زړه ورکوو
عمرخېل صیب! زما او ستا تر یارانې زما او ستا د احساس یووالی ډېر ښه دی، زما ژبه ستا ژبه هم ده او زما هېواد ستا د خاپوړو ځای هم دی. زه هیله لرم هر څه به په ګډه ګالو، که ښې ورځې وې هم به سره ملګري یو او که پر موږ او زموږ پر قوم لکه د اوس په څېر نامنلي تپل کېږي هم به دا دردونه په شریکه زغمو. هیله لرم خوشحاله او سوکاله ژوند ولرې.

راليږونکی :زړګی ؛صاحبی ؛
د راليږونکي پته :zilgai99@yahoo.com
نيټه : 26-09-2006
IP : 82.205.190.30
ګران  شمس زی صیب!
تر ټولو لومړی د دغه سایت بلاګ  د جوړولو له امله تاسو او نورو ټولو افغانانو ته مبارکې وایم هیله ده نور موضوعات هم په کې زیات کړې.

په درناوی
زړګی صاحبی

جانان:
ګرانه زړګیه!
که مو په یاد وي د طالبانو په وخت کې د هیلې مجلې یو ځانګړی نوم درلود، په افغانستان کې ډېرو کمو لوستونکو کولای شو هیله مجله لاسته راوړي، زه درسره ژمنه کوم چې دهیلې په مجله کې چې مو څومره جالب شیان پیدا کول، همدومره به په دې بلاک کې هم پیدا کړﺉ، زه دا نه وایم چې ټول به زما مطالب وي، خو ښه موضوعات به خامخا ترجمه کوم.
منندوی مو یم

ګران قانع صیب ته هم د مننې او ستاینې وړ یې چې له کندهاره دې جانان ته لیک رالېږلی، د نارنج بڼ دې سمسور اوسه.