له ملا نصرالدين څخه يې زده کړئ !
یوه ورځ ملانصرالدین له کوره بهر په څه شي پسې ګرځېده . چا ورڅخه وپوښتل : « ملاصیب په څه شي پسې ګرځې ؟ »
ملا ځواب ورکړ : «کونجي (کلي ) مې ورکه کړې »
سړي بیا وپوښتل :« چېرته درځینې ورکه شوې ده ؟»
ملا وویل :« په کورکې »
سړي ورغبرګه کړه :« نوهلته ولې ورپسې نه ګرځې ؟»
ملا ځواب ورکړ : « دکور دننه تیاره ده او دلته رڼا »
مونږ هم دځان په لټون بهرته راوتلي یو ؛ ترهغو چې خپل وجود ته رجوع ونه کړو نه شو کولای ځانونه ومومو . نو باید خپل زړه او ګوګل ته ځیر شو هلته چې تیاره ده .
