د ملالې میوند په ویر کې
دا قاتل څوک دی او موږ ولې وژني
هم مو ښاغلي، هم اغلې وژني
په انتخاب د مرګ کې نه تېروځي
په موږه ټولو کې منلې وژني
داسې خیرن دښمن به بل چیرې وي
چې پښتنې په پت سپېڅلې وژني
کارغان ټول ګرځي په بڼو کې ازاد
ښکاري زموږ د بڼ بلبلې وژني
په نوم رڼا پر افغان نه لوروي
تورتم کې خوښ دي، ډېوې بلې وژني
زه د قاتل ضمیر وجدان ته هیښ یم
چې پریښتې تر ښکلا ښکلې وژني
که د جهاد پریکړه منطق داسې وي
چې مو نجونې نومېرلې وژني
بیا دې خدای مل د هغه دین ایین شي
چې په خپل لاس عقيدې خپلې وژني
دښمن مو څټې او بنسټ ته ایښي
چې ملالۍ غوندې اتلې وژني
افغان پښتون ته خپل دښمن مالوم دی
په لر او بر کې چې روهیلې وژني
د ۲۰۲۰ کال د ډېسمبر ۱۰ مه
مرادزی
10.12.2020
- فضل قادر انډيوال
ياد داښت: دغه ليکنه کريسنټ انټرنيشنل خپرونې خپره کړى او بيا دلاهور څخه د (هم قدم ) مياشتنۍ اردو ژبې مجلې يې اردو ژباړه خپره کړه اوس يې زه گرانو لوستونکو ته پښتو ژباړه وړاندې کوم .دلکونو خلکو لپاره دتفريح د بنسټيزې وسلې په ډول د تلويزيون ارزښت خلکو او نړيوالو منلى دى تلويزيون ديفريجويټر ، کمپيوټر ، موټر او ټيليفون په څېريو نوى نوښت او ايجاد دى دغو شيانو پر ټولنې دمعمول پرته اغيز کړى دى ، خو دانساني پرمختگ او پر انساني کړنو او معاملو ديو نوى ايجاد په څېر دتلويزيون اغيز ډير ارزيښتمن دى...
11.12.2020
- فضل قادر انډيوال
دليک پيژدندې نوى څيړنه
ياداښت : دا ژباړه ده چې ماکړې ده
د ١٩٥٠ ميلادي لسيزې خبره ده دنيويارک په ښار کې په راتلونکي سبانۍ ورځ بمې چاودنې کيدې ددې پېښې تر شا يو پټ مجرم کار کاوه دغه پټ مجرم د ١٩٥٦ ميلادي کال د دسمبر دمياشتې پر ٢٦ مه نيټه دنيويارک په يو اخبار کې پر خپلو کارونواو بمي چاودنو خپگان وښود هغه اخبار دنوموړي پټ مجرم ليک په لومړى مخ کې خپور کړ وروسته دغه ليک ،غور ليک پيژوند نکيو دهغه پټ مجرم دليک مختلفې خواوې وکتلې غور يې پرې وکړ چې دغه غور...
