انجنير ستانه مير زهير
ډي وي ډي ( DVD )
DVD د (Digital Versatile Disc ) د کلمو لنډيز دی .د عادي CD ګانو په څير هوار ، ګرد او له پلاستيک نه جوړ شوي ټيکلی دي خو توپير يې دادی چې دعادي CD په پرتله د ډيټا د ساتلو لوړ ظرفيت لري .
DVD د نوری ډيسکونو له نويو ډولونه څخه دی چې په لومړيو وختونو کې د فلمونو د ثبت له پاره جوړ او ډيزاين شوی وخو نن ورځ په بيلا بيلو برخو کې ترې ګټه اخيستل کيږی.
د دی ټيکلی په دواړو مخونو باندی ډيټا (Data) ثبت کيږی چې د نښتځلو له پاره يې د يوه ځانګړی تخنيک Data Compression څخه استفاده کيږی. همدا رنګه Track يې هم کوچنی دی ځکه خو زيات ظرفيت هم لري .
نوې جوړې شوې DVD څو پوړيزه دی چې دا جوړښت يې هم د ظرفيت په لوړولو کې ستره ونډه لري .
يو مخ يې ٤،٧ ګيګا بايټه او دواړه مخونه يې ٩،٤ ګيګا بايټه ډيټا زيرمه کولی شي . ټول ظرفيت يې تر ١٧ ګيګا بايټه پوری رسيږی. .په داسې حال کی چې عادي سي ډي (CD ) د 700 ميګا بايټه څخه تر يو ګيګا بايټه پورې ډيټا زيرمه کولی شي .
DVD دخپل لوړ ظرفيت له امله ، نن ورځ د فلمونو ، ميوزيک او نوروپروګرامونو د ساتلو له پاره ، د ليږ د وړ ، ډيره ښه حافظه ګڼل کيږي .
اکثره فلمونه چې نن ورځ د بيلابيلو کمپنيو له خوا جوړيږي ، عموما د DVD فارمت په بڼه بازار ته وړاندې کيږي . همدارنګه هڅه کيږي چې زاړه او پخواني فلمونه هم د DVD فارمت ته واړول شي څو له يوې خوا عام وګړي ترې ګټه واخلي او له بلې خوا تر زيات وخت پورې خوندي پاتې شي .
يوه CD يا DVD تر پنځو کلونو پورې کار کولی شي خو که په ښه توګه وساتل شي تر ١٠٠ کلونو پورې هم خوندي پاتې کيدای شي . CD او DVD دواړه د ليزر د وړانګو په مرسته هم ليکل کيږي او هم لوستل کيږي.
DVD د ګټې اخيستنې له پلوه عموما په دوه ډوله ده :
١_ DVD-R : دلته R د (( Record able )) لنډيز دی ، په دې ټيکلي کې يوازې يو ځل ثبت کيدای شي خو په کراتو کراتو لوستل کيدای شي ددوهم ځل له پاره بدلون نه مني او نه هم ثبت پرې کيږي . هر مخ يې ٤،٧ کيګا بايټه ظرفيت لري
٢- DVD-RW : دلته RW د ( Re Write able) لنډيز دی . په دې ډول ټيکلي بيا بيا ثبت او ليکل کيدای شي . يعنې کولی شو پخوانۍ ډيټا ترې ړنګه او نوې ډيټا پرې ثبت کړو .
هغه ډيټا چې په دې ټيکلي کې ثبت کيږي د ٣٠-٥٠ کلونو پورې خوندي پاتې کيدای شي
