لوړ او ټيت کلتور
د پنډي ( جوالي ) په اوږه   پړی پروت و ، د ښار په لوي واټ په دې اميد  روان و که  څوک پرې کوم پنډ، له يوه ځايه بل ځای ته  يوسي او بيګاه ته د خپلو بچيانو له پاره يوه مړې ډوډۍ  پيداکړي   .د  تګ په وخت کې  يې ناڅاپه د کيلې په  پوټکی سترګې  ولګيدې  ، هغه  يې را پورته کړ څو قدمه  وړاندې لاړ او  د خځلو په ډيران   يې  واچاوه .
 شيبه تيره نه وه چې يو لوکس موټر يې  په خوا کې ودريده ،اوتو کړي فيشني ځوان  د موټر ښيښه  خلاصه کړه او د کيلو له پوټکو ډکه  پلاستيکي کڅوړه يې  په پاخه سرک وغورځوله  ، پنډي  لومړی لوکس موټر ته په  حيرانۍ وکتل او بيا يې د سرک په سرهرې خواته  د کيلو خورو ورو پوټکو ته ، سريې و خوځاوه خو  پوه نه شوم چې   په زړه کې  يې څه تير شول؟