پوښتې نه شم چې ناز په څو او ستا اداء په (څو) ده؟
پرته د برندو سترګو يې پر مخ بلا په (څَو) ده
زما نظر ته ګوره دې نظر د سوداګرو
د مينې قيمت څو؟ د قربانۍ سودا په (څو) ده؟
يوازې د خالق تخليق کمين نيولی نه دی!
دپاسه پرې سوره ستا مصنوعي ښکلا په (څَو) ده
پر سر به رضا نه شې! ارزاني ده د سرونو
له دې پورته به څه وي تر دې ښه بها په (څو) ده؟
درځي په کړس خندا پسې له رازه خبر نه دي
چې ناسته بس وژلو ته دا شنه خندا په (څَو) ده
عجب دی چې به څوک هم د وفا په نوم څه مومي
ځواب پسې درځم رټل په څو؟ جفا په (څو) ده؟
دا زړه مې رانه ورک شو له مود پسې ګرځېږم
دې چم کې خو څوک شته! چې هميشه د غلا په (څَو) ده
چغيږه عندليبه! د خفګان قيمت يې نه شته
اوس ګرځه چې په څه خوښه؟ او يا پخلا په (څو) ده؟
16.12.2019
- اېمل افغان
د دې ملي او ستر سياسي بدلون په مناسبت چې زموږ په ګران هېواد کې به د ټولټاکنو له اعلانېدو وروسته را منځ ته کېږي بيا هم خپل او د خپلو قهرمانو افغانانو د بـې نهايته صميمانه کوښښونو او امنيتي مرستو د وړاندې کولو پر بنسټ چې د افغانستان د ملت په پياوړتيا بنا او دې ستر تاريخي ملي کار ته اقدام وکړ او د افغانستان د راتلونکي ټاکنيز جمهوريت د تاداو تېږه به يوځل بيا ږدي، چې د هېواد ټولو نجيبو او زيار اېستونکو خلکو او په تېره بيا د دې خاورې فدا کار او ځوان ملي پوليس، ملي امنيت او ملي اردو ته...
17.12.2019
- عبدالوحيد وحيد
دولتي اداري باید د محکوم مظلوم او مجبور ولس پر وړاندې همدردانه، خو د زورواکو مفسدينو او غاصبينو په وړاندې قاطعانه دريزونه خپل کړي. مګر دلته خبره معکوسه ده. څوک مصلحتونه، څوک جګړه، څوک د هيواد وران ويجاړ حالت، څوک د پرديو له شرمه ډکه لاسوهنې او څوک هم زمونږ په ټولنيز وجود باندي لګيدلې ويروسي زخمونه بانه کوى او د اداراتو متزلزل او متذبذب دريزونو ته د مشروعیت لارې چارې لټوي. همدا لامل ده چې په ملي کچه د اداري فساد، غصب زورواکي جنګ سالاري او رواني جګړې په وړاندي زمونږ مبارزه د مصلحتونو ښکار...
