عزت الله ذکي
که نن پر دنیا يم سبا پر عقبا
آخته په ګناه یم ولي بې پروا
لاهم زنداني یم په دغه ځنځیر
ذکي مبتلا یم د عشق په سزا
*****
نه ړوند یم نه وینمه لاره صِراط
روان په مزله یم د عشق په رباط
مجنون د لیلا یم ګرځم پر صحرا
ذکي مبتلا یم د عشق په سزا
*****
د هرڅه مالک رب د ټولو خالق
حیات ورکوي رب د ټولو رازق
په ژبه ګویا یم ذاکر په ثناء
ذکي مبتلا یم د عشق په سزا
*****
طامع ربه یم ستا د رحم و کرم
بل در نه لرم تاته سر خم درځم
ناچاره بې تا یم تل لاس په دُعا
ذکي مبتلا یم د عشق په سزا
*****
له قندو او شاتو شیرین مي کلام
قران الکریم ښه اعلی مي مقام
هر رنځ ته شفا یم هر درد ته دوا
ذکي مبتلا یم د عشق په سزا
١٣٩٨/مېزان/١٥مه
سهار
09.12.2019
- سمیع الدین افغاني
د خلاصون لار
وايي : کوږ بــار تر منزل نه رسیږي په ظلم ، زور دا حالت نــــه جوړیږي
څو چې زورواک او ستمګر حاکم وي دا د ظلمت تیارې هیڅ نــه ختمیږي
چیرته چې جهل، ظلم ، زور چلیږي د جنګ لمبې هلته کــې نه سړیږي
چې په فریب ، دوکه ژوندون تیروي د هغه ملک حالت نور نه بدلیږي
تر څو دا چور وي دا تالان دلته کې دا بد حالات وطن کـــې نه سمیږي
څو چې زورواک او بل واکې وې دلته قهر او غصه د خلکو نــــه کمیږي
ورورۍ یواځې د...
10.12.2019
- اېمل افغان
درنو لوستونکو! موږ بايد د خپل هېواد د آبادولو او د خدمت د بېلا بېلو مسؤليتونو په برخه کې تل د يوه داسې هدف په لټه کې و اوسو، چې د افغانستان د ولس او په تېره بيا د مملکت د محرومو طبقو او ځوانانو لپاره د مادي او معنوي ودې يو مثبت او رښتينی چاپېريال او محيط را پيدا کړي، چې ټول و طنوال د هېواد د ودانولو او سر لوړۍ په لار کې يو شان برخه واخلي او د ذمه وارۍ احساس دې په ننني حالت کې وکړي ترڅو له دې موجوده سياسي بحران څخه خلاص شو. وختونه تېر شول او کوښښونه و شول، چې هغه عوامل او خنډونه ورو ورو...
