داچې دپښتو ژبژغورنې ملي غورځنگ په ډير لږ مهال کې لوالتيا ډيره کړه دا يوه اړتيا انگيرل کېده ، تشه وه چې بايد ډکه شواى واى خو د رب پر سترې لورينې دا تشه مخ په ډکېدو ده
اوس مهال يې مينه پال ، مينه وال ، او ليوال يې مخ پورته کېدو دي نو له دې سره د غورڅنگ پازه هم ډيريږي او بايد د مېنه والو وړانديځونو ته هم ځير وي
رغنده نيوکوته هم ځواب ولري
دا غورځنگ د خپل کار د ژبې دپالنې لپاره د هېواد اساسي قانون ١٦ ماده د استدلال لپاره وړاندې کوي
ماده په دې ډول ده
شپاړسمه ماده
د پښتو، دري، اوزبكي، تركمني، بلوڅي، پشه يي، نورستاني او په هېواد كې د نورو مروجو ژبو له جملې څخه پښتو او دري د دولت رسمي ژبې دي.
دولت د افغانستان د ټولو ژبو د پياوړتيا او پراختيا لپاره اغېزمن پروګرامونه وضع او تطبيقوي.
د مطبوعاتو اود راډيو تلويزيون خپرونې د هېواد په ټولو مروجو ژبو، آزادې دي.
بيا د همدغه مادې په بله کرښه کې وايي (او په هېواد كې د نورو مروجو ژبو له جملي څخه( پښتو او دري ) د دولت رسمي ژبې دي.
اوس نود ژبژغورنې ملي غورځنگ بايد د خپل غورځنگ د لاښه ملي کېدا لپاره د پښتو ترڅنگ د دري، اوزبكي، تركمني، بلوڅي، پشه يي، نورستاني او په هېواد كې د نورو مروجو ژبو ويونکي له ځان سره مله کاندي نو په دې سره به دولت اړشي چې دهېواد ټولو دوديزو (مروجو) ژبو ته پام وکړي او يوازې به پريوې رسمي ژبه ټينگار نه کوي او د نوروژبو ويونکي به په پښتو ژبې سره له بې ځاى تربگنۍ لاس پر سر شي
او مروجې (دوديزې ) لږ سر راپورته کړي
په دې سره به دا ١٦ ماده ټکي په ټکي د پلي کېدا لپاره لاره اواره شي
دا غورځنگ بايد د ملي ټرمنيالوژۍ دودونې ته د رسنيو او دولت پام ورځير کړي
بله دا چې غورځنگ دا څرگنده کړي چې د دري او فارسي تر منځ څه توپير دى ، دواړه يوه ژبه ده او که بيلابيلې دا خبره بايد روښانه شي
ايا فارسي د ايران او دري د افغانستان ژبه ده او که بيا هم ترمنځه توپير شته او که نه ؟
دپښتو ژبژغورنې ملي غورځنگ بايد د خپل غورځنگ پر کال هېنداره ( کالني مهالويش)
د فبرورۍ ٢١ د مورنۍ ژبې نړيواله ورځ او مى ٢٩ چې د غبرگولي له اتمې نيټې سره سمون خوري
دپښتو دنړيوالې ورځې ته ډيره پام ولري دا دوه ورځې به پر پرتمينومراسمو لمانځي
دپښتو ژبژغورنې ملي غورځنگ د فيسبوک په گروب ياډلې کې نامتو پوهاند او ليکوال او دولتي چارواکي لکه ډاکټر لطيف ياد ، ډاکټر مجاوراحمد زيار ، ستانک مير زهير شينوارې اوداسې نور
که په دې گروپ يا ډلې کې خېبرپښتونخوا او کويټې پښتانه ليکوال هم ور ډير کړاى شي نو ښه خبره ده
او په پاى کې د ولسمشريزو ټاکنو کې د هرهغه چا ملاتړ چې دپښتو ژبژغورنې ملي غورځنگ موخې پلى کړاى شي اوبس
