دتیرې جمعې په شپه د ۲۰۱۳ زيږديز کال د دسمبر په ۵ مه نيټه دښاغلي سیدا حسان الله الهام دفيسبوک په ديوال يوه په طرحه مشاعره وشوه چې مطلع يې دمشفق حريتمل دغه بيت وو

کاش چې داخلک بدلېدی نه څومره خوند به يې وه

چې هريو ډول ته ګډیدی نه څومره خوند به يې وه

چې ملګرو پرې ډير خوندور بيتونه وليکل چې نژدې ۷۰ ته ورسيدل .

بعضې ملګري چې ډير خوندور بيتونه يې ليکلی وه خو په قافيه او رديف کې سره خطا شوي وو هغه بيتونه مو ترې لرې کړل هيله چې خوابدي نشي مننه
مشفق حريتمل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ



کاش چې داخلک بدلېدی نه څومره خوند به يې وه
چې هريو ډول ته ګډیدی نه څومره خوند به يې وه
مشفق حريتمل

 

 

زموږ دسترې پاکي خاوري ځيني ځيني بچيان
په هيڅ رقم چي خرڅېدى نه څومره خوند به يې وه
سيداحسان الله الهام

چې ورور له ورور سره دمينې زندګي کولای
او له کافر نه ځاریدی نه څومره خوند به يې وه
مشفق حريتمل

نوردرنه هيڅ غوښتنه نه لرمه ګران يې راته
دغمازخواکي ګرزيدى نه څومره خوند به يې وه
سيداحسان الله الهام

چي مي ټـول عمـر دخواږه جانان ترڅنګ تيریدی
چې له جانان نه بیلـېداي نه څـومــره خونده به یي وه
زبیر کلیوال

کفار زمونږ خلاف په شومو پلانونو بوخت دي
خو چې افغان غافل کيدای نه څومره خوند به يې وه
مشفق حريتمل

رانه تيريږي په ټيټ سراوراته هيڅ نه ګوري
په لويه لارکي شرمېدى نه څومره خونده به يې وه
سيداحسان الله الهام

زمونږ په څڼو، په برېتونو او په دنګه شمله
دا ځيني ځيني سوزېدی نه څومره خوند به يې وو !!!
احمدګل ريان

داچی یو څوک او یا بل څوک رانه اړي غواړی
که مو په خپله تری غوښتی نه څومره خوند به يې وه
محمدقاسم دلاور

دپيسبوک درست ملګري ډيرډيرخوښوم الهامه
خو چي له مانه ورکيدى نه څومره خوند به يې وه
سيداحسان الله الهام

چی دا بی دینه نور زمونږ له پاک حریمه لاړشي
په پاک کابل کی می ليدای نه څومره خوند به یی و
عاصم وطنپال

لکه خوشحال چي يې په وصل يم دښکلى جانان
په جدائي چي کړېدى نه څومره خوند به يې وه
سيداحسان الله الهام

غازیان ملگری په ماگران دی زه یی قدر کوم:
خو دومره ژر چې رژيدی نه څومر خوند به يې وه
عباسي خدرخيل

ځواني دحُسن پسرلى وي په وجود چه راشي.
خوچه جانانه ختميدى نه سومره خوند به يي وه
اسلام گل شيرزاد

زما دننګ او دغیرت او دميړانې دستار
چې دغليم په سر کیدی نه څومره خوند به يې وه
مشفق حريتمل

دازمانرمه نرۍ ژبه د خوړلووخت کي
زما ترغاښ لاندي کيدى نه څومره خوند به يې وه
سيداحسان الله الهام

يار دستا دراتلو لار ته مې شوې سترګې څلور
دستا وعدې چې اوږدېدی نه څومره خوند به يې وو
مشفق حريتمل

دځينو ګرانو او خوږو خوږو ملګرو بخت کي
فېسبوک پاڼه بند ېدى نه څومره خوند به يې وه
سيداحسان الله الهام

زماوعدي به پوره کیدي نه انتظاربه وي ته
چې شبګیرونه ختمیدی نه څومره خوندبه یې ؤ
. امان الله ناخيال

ریان خوورک دی چرته غلی یخ وهلی نه وي
هواپرې بده لګیدی نه څومره خوندبه یې ؤ
امان الله ناخيال

څومره عبث وختونه تېرشول دفیسبوک په شاني
کاشکي په عمرشماریدی نه څومره خوندبه یې ؤ
امان الله ناخيال

فه قافيه باندي ملكروايله اوس فوهه سوم
چي مي داسترګې تيروتی نه سومره خوندبه ييوه
اسدالله غالب

خیر دی ریکویسټ که لږ معطل شي انتظار به شو مونږ
خو چې تر ډیره ځنډیدی نه، څومره خوند به یې وه
عزیز مومند

داشرمناک او قدرمن اونا زولى جانان
چي له الهام نه پټيېدى نه څومره خوند به يي وه
سيداحسان الله الهام

یو فدائی جانان ورستئ سلگئ کی داسی وویل؛
آه چی می قبر ورکیدی نه سومره خوند به یی وه
البته دمورجانې دتسلۍ لپاره .
عباسي خدرخيل

چې دابي شرمه بيغیرته ګوډاګي اربکیان
دجنګ په وخت کې پټیدی نه څومره خوندبه یې ؤ
امان الله ناخيال

مشفقه شعر دې ګوزاره کوی بد نه لګيږي
خو ښاپيرۍ چې تښتیدی نه څومره خوند به يې وه
مشفق حريتمل

دا ځينو خلکو چې په ځينو ځينوخلکو باندي
لکه د ځان ګمان کېدی نه څومره خوند به يې وو
احمدګل ريان

دزره تناكي مي فه زره فلي فلي فاتي وي
چي سربه خوده ماتيدي نه سومره خوند به ييوه
اسدالله غالب

ريانه بعضې وخت کې وايم چې له مونږه سره
داځينې خلک مخ کیدی نه څومره خوند به يې وه
مشفق حريتمل

د حريتمل او د الهام او د درنو ملگرو
خواژه بيتونه ختميدى نه سومره خوند به يي وو
حقمل غزنوی

داسی مجلس داسی شعرو کی به مزه مزه وای
چه خوار میلت مو کړی دی نه څومره خوند به يې وه
ياسين عليزی

وطن یی خرڅ کړ په پرديو ابدي غلام شو
خوچی افغان افغان کیدئ نه سومره خوندبه يې وه
محمد بن خاکسار

وای مخامخ درته ولار لاس په نامه جانانه؛
چی په دیدن دی مریدی نه سومره خوند به یی وه
عباسي خدرخيل

مونږديرغل په شتون کې ګران هيواد ازاده نه بولو
کافر چې نور ايساریدی نه څومره خوند به يې وو
مشفق حريتمل

له خلکو بيله مو دمينې وای جانانه ژبه
چی غمازان پری پوهيدی نه څومره خوند به يې وو
فضل ربي شاکر

خير كه سينه دګران کابل پرهر پرهر پرته ده ،
خوچې كافر پرې اوسيدی نه سومره خوند به يي وه
اسدالله غالب

ملګري ډیردي ښه لګیږي شه شعرونه یې دي
خوداچې پوسټ یې پري کیدی نه څومره خوندبه یې ؤ
امان الله ناخيال

دګران مشفق اوخوږالهام نه په نړۍ مننه
کاشکی بیوخته خبریدای نه څومره خوند به يې وه
ياسين عليزی

دا دزړګى خاموش ارمان چاته ويلي نه شم
رانه په څنګ چي تېرېداى نه څومره خوند به يې وه
سيداحسان الله الهام

غليم دي پوه شي شهادت مونږ كمولاى نشي
خو چي يو ځوان شهيديدى نه څومره خوند به يي وه
حقمل غزنوی

زه يم ياران وي او ځوانان وي مجلسونه خواږه
خو مازديګر چې لنډيدی نه څومره خوند به يې وه
مشفق حريتمل

مينه،نفرت چی پکی راشي نو شي مينه نفرت :
په دي بدلون،چی بدليدي نه سومره خوندبه يي وو.
باهر حقپال

پټ په زړګي کې د یار غم ساتنه څومره خوند کړي
چې په ژړا رسوا کیدی نه، څومره خوند به یې وه!!
عزیز مومند

بعضې ياران دباران څاڅکو نه ځانونه ساتي؛
خو چی ناوې ته ودریدی نه څومره خوند به یی وه
عباسي خدرخيل

دښمن مو مات کړ تورياليو ننګيالیو زلمو
چې دا ټانګونه وړل کیدای نه څومره خوند به يې وو
مدثر اسیر

د غشو شڼ د نيزو خرپ را باندي ښه لګېږي
خو چې سړی پرې خوږېدی نه څومره خوند به يې وو
احمدګل ريان

کميس كې تن وي او په تن كې بيا غيرت وي يو څه
خو چي دا تن غلاميداى نه سومره خوند به يي وو
حقمل غزنوی

دغزل بولې شاعري به يې زه څه صفت ووايم ،
خوچې غالب پرې خنديدی نه څومره خوند به يي وه
اسدالله غالب

د وطن مينه عجيبه ده ليونی يې کړمه
خوچی تری لرې اوسيدی نه څومره خوند به يې وه
محمد بن خاکسار

پدي غريب غريب اوستړي ستړى ستړى ژوندکي
څوک چي په چا مينېداى نه څومره خوند به يې وه
سيداحسان الله الهام

بلادی واخلمه اخیر به را تر غاړې وځې؛
خو دا چې زړه نازړه کیدای نه څومره خوند به يې وه
شوخی به هم پکی کوو که سنگه؟
عباسي خدرخيل

مرګی خو هسي هم راځي خوند به يې هلته وو چې
سړی بړستن کې مړ کېدی نه څومره خوند به يې وو
احمدګل ريان

چه هر ملګری هر افغان دلته را تلی په مینه
چی مې نفاق نه پکښی لیدینه څومره خوند بیه وه .
ياسين عليزی

فه تذكرو باندي دي اور پورې شي ای ملګرو .،
په افغانيت مو شرميدي نه څومره خوند به يي وه
اسدالله غالب

هریوستم دې تیرومه خوګلابه یاره.
بس چې دایو کس مې چې لیدی نه .څومره خوند به يې وه
مسلم غزګيوال

طالب جانانه زړه مې ستا زلفو کې بند دې رانه
خو چي له ما جدا كيداى نه سومره خوند به يي وو
حقمل غزنوی

د دی غازي اولس ميړانې ته سلام دی زما ؛
چی قربانی یی خرڅيدای نه څومره خوند به يې وه
عباسي خدرخيل

څومره خواږه خواږه شعرونه دي خوږوملګرو
خو کاش چې ماته خوب راتلاي نه سومره خوند به يې وه
راز محمداغا

په څو ټکو په څو انو او په يوڅو ډالرو ،
دوطن مور مو خرڅيدی نه څومره خوند به يي وه
اسدالله غالب

په سپين ميدان دټينګي نه دي يرغلګر ځواکونه
پاس چې چورلکې تاویدی نه څومره خوندبه یې ؤ
امان الله ناخيال

خیردراتللوانتظاردی دابه وکړمه زه.
خوچې بيا بیرته رانه تلی نه څومره خوند به یی و.
مسلم غزګي وال

چې بېرته لاړشي ښه په بېړه هسي مخ یې ورک شه
چې دابدمخي مي لیدی نه څومره خوندبه یې ؤ
امان الله ناخيال

چی ځانته نروايي میدان تہ راشی بیرتہ تښتي
خوچی گيدړګيدړ کیدای نه څومرہ خوندبہ یی وہ
محمد بن خاکسار

خداي پيدا کړي دا حسين حسين حسين ګلونه
په هيڅ خزان هم رژېداى نه څومره خوند به يې وه
سيداحسان الله الهام

الماس الماس وطن به نه وای ديهودو ځاله
چې مې خپل ورور پردی كيدی نه څومره خو ندبه يي وه
اسدالله غالب

په پخواني جهاد يې ښه په خرپ کړه ينه سړه
نن يې چې وينه سړېدی نه څومره خوند به يې وو
احمدګل ريان

له خپله انده که مې وژنې هيڅ پروا مې نشته
خو چې بل ډول ته ګډيدی نه څومره خوند به يې وه
فضل ربي شاکر

عباسي زما هم دغه حال دی مبايل کاروم
چي إنترنيت مې بنديداى نه څومره خوند به يي وو
حقمل غزنوی

دغه یاران لکه ګلان لږ په حساب دفیسبوک
داسي ژر ژر فناکیدی نه څومره خونده به یې ؤ
امان الله ناخيال


مئین زرگی می د هجران په زولنو تړلی؛
خو چی رقیب پری خبریدای نه څومره خوند به يې وه
عباسي خدرخيل

کډې یې بار دي اشغالګرو نه وطن به خلاص شي
چې ژوندي بیرته ستنیدی نه، څومره خوند به یې وه
عزیز مومند

پای

يادونه:بله مشاعره به ان شاء الله دراتلونکې جمعې په شپه (۲۰۱۳دسمبر۱۲)کيږي چې رسمي اعلان او دمشاعري ادرس به هم پکې اعلان کړو .مننه