ټپي ژوندون مې تقدير ميشت کړ دستم غېږه کې
راتويومه په ژړا دسترګونم غېږه کې
زمونږ ګلبڼونه دبارودو په ګردونو خړ دي
ګل لانېولى نه دى پرخې او شبنم غېږه کې
کله به ايل شو ذوالجلاله دظالم له پنجو
مونږ خو مودو نه يو نيولي يو سترغم غېږه کې
زمونږ بستر خاورى اوکاڼي او ګردونه ښه دي
نوردې کړي خوب دخپل جانان او خپل صنم غېږه کې
منو چې وي به ګنهګار خو بيا يې هم وبخښه
خدايه نور واخله دا اولس دخپل کرم غېږه کې
له هغو اوښکونه به جوړې مرغلرې شي چې
په ښه نيت تو ى کړي څوک دپاک رب دحرم غېږه کې
زه به له هغه خو ږ نسيم څخه مننه وکړم
چې مې دلبر ته سلام وړي دصبحدم غېږه کې
ورنه ټولنې ته ((مشفقه)) يو مشال جوړوم
دزړګي وينې اچومه دقلم غېږه کې
