له خوشالۍ او له خندا نه شوم محرومه،اشنا
چې بند شوم ستا د دغه تور اوربل په لومه اشنا
د وصال ورځې دې خوږې دې لکه شات و شکر
د هجر ورځې دې ترخې دې تر زقومه اشنا
زړه مې په تا پسې رنځور دی او درمان مې ته یې
چې درنه مړ نه شه ،زر کوه رادرومه اشنا
په نورو لارو باندې نه ځمه ،ګمراه به شمه
یو ستا د کور لاره ده ماته رامالومه اشنا
د یوسفي حسن خاونده بس دی راشه کنه
کړي انتظار به دې ګوهر غریب تر کومه اشنا
02.12.2011
- انعام الله ګوهر
نه مې د ورځې شته خوبونه نه بیګا له غمه
د ژوند په خوند باندې هیڅ پوی نه شومه ستا له غمه
د جانان غمه سرخوړلیه لږ مهلت خو راکړه
چې ځان راخلاص کړمه د دې خوارې دنیا له غمه
خلک به هسې وایي دا چي لیونی شومه زه
زه خو ملګرو لیونی شوم په رشتیا له غمه
ستا له جفا نه پس په دې خبره ښه پوی شومه
په دې دنیا کې نه مړ کیږي څوک د چا له غمه
بیګا مې بیا کړه یاره ټوله شپه په ویښه تیره
بیګا مې خدای شته یاره ډیر ژړلي بیا له غمه
دا کرښې نه...
12.12.2011
- انعام الله ګوهر
یاره زما په حافظه کې ساه پیدا شي
چې رایاد شې په سینه کې ساه پیدا شي
ته چې کله په آیینه کې ځان ته ګورې
څومره خوند کړي،په آیینه کې ساه پیدا شي
ستا سرې شونډې،اننګي په کې ښکاریږي
د شرابو په پیاله کې ساه پيدا شي...
