مونږه خو غمونو ستړي کړي یو
دومره ډیر دردونو ستړي کړي یو
خدایه! ټولې سختې بیا اسانه کړې
ډیرو کړاونو ستړي کړي یو
لاره د ژغورنې مونږ نه ورکه ده
بس تشو خیالونو ستړي کړي یو
څومره افتونه شو نازل په مونږ
څیرې ګریوانونو ستړي کړي یو
مونږ د ژوندانه په مفهوم پوه نه شو
راز راز تعبیرونو ستړي کړي یو
لاس د امداد چاته ورکوی نه شو
خپلو پرهرونو ستړي کړي یو
ماتو کږلیچونو باندې واوښتو
خدایږو کاروانونو ستړي کړي یو
تم به شو دمه به شو چې ساه واخلو
اوس مزل د غرونو ستړي کړي یو
کله به سندره شو غزل به شو
نور د غم سازونو ستړي کړي یو
لاره د ساحل ( وارثه ) وګوره
قهر د موجونو ستړي کړي یو
اوسلو - ناروې
25.02.2018
- افغان تحرک
د پښتو او دری ادب په څېړنه بوخت استاد عبدالله بختانی خدمتګار د دوه نوي کلونو په عمر وفات شو.
انالله و انا الیه راجعون
خدمتگار لاړ، خو اوسني نسل او راتلونکو نسلونو ته یې د خپلو خدمتونو بې پایه پانگه په میراث کې پرېښوده.
دې عالم، ادیب او څېړونکي تر سلو ډېر چاپي او لسګونه ناچاپ اثار تر شا پرېښودل.
د بختاني صاحب ځینې اثار:
زما استاد الفت _ تذکره او ادب څيړنه _ ١٣٨٠هـ ش .
خوشحال خان او يو څوفرهنگيالي خټک _ تذکره او ادب څيړنه _ ١٣٨٠ هـ ش
گلنامه...
26.02.2018
- احمدزی
څو ورځې وړاندې د ملي امنیت شورا سلاکار محمد حنیف اتمر د سعودي عربستان د ولیعهد محمد بن سلمان په رسمي بلنه سعودي عربستان ته سفر وکړ، که څه هم په مشخص ډول ویل کیږي، چې ښاغلی اتمر به د دوه اړخیزو اړیکو په پیاوړتیا او ودې، د سولې په بهیر کې د دې هیواد د مرستې د راجلبولو، په سعودي عربستان کې افغان مسافرو د اسانتیاوو د رامنځته کولو او نورو مسائلو په اړه ددې هیواد له لوړ پوړو چارواکو سره وګوري. پدې لنډه لیکنه کې غواړو چې په اسلامي نړۍ کې د سعودي عربستان موقف او په ځانګړي ډول له افغانستان سره یې د دو...
