د مخابراتي شركت اتصالات چارواكي  وايي، د افغانستان په مخابراتي سيكتور كې د خپل شتون د لا څرګندولو او په مخابراتي بازار كې تر ۳۰  %  پورې  د خپلې ونډې د زياتولو لپاره غواړي د سل مليونه ډالرو نوره پانګه اچونه وكړي.

د يك شنبې په ورځ د اتصلات افغانستان مشر  ښاغلي سعيد الحميلي وويل:  افغانستان د اتَصالات لپاره ورځ تر بلې مخ په زياتېدو بازار لريي. اتطالات په هېواد كې د مخابراتي شركتونو له څلورو سترو شبكو نه يوه ده، چې نږدې درې مليونه مشتريان لري او په دې توګه په مخابراتي  بازار كې څلروېشت فيصده ونډه لري.

د ده په وينا شركت د اشتراك  دمركزونو په دوه چنده كولو او نويو شته وو په ترلاسه كولو په افغانستان كې دخپلې پانګونې د زياتوالې پر لور درومي.(( موږ د دوه زره يولسم او دولسم كال لپاره په افغانستان كې د نورو سل مليونو امريكايي ډالرو د پانګې اچونې يو پلان لرو د راتلونكو يو څو كلونو په اوږدو كې زموږ هدف دادى، چې په افغانستان كې دخپلو مشتريانو شمېر له اوسنيو درې مليونو نه تر شپږو مليونو پوري ورسوو))

اوسمهال ياد  شركت د افغانستان په  مخابراتي سيكتور كې درې سوه مليونه امريكايي ډالر پانګه اچونه كړې ده او په دوه زره دولسم كال كې به په افغانستان كې د اتصالاتو شركت پانګه اچونه تر ۴۰۰ مليونه امريكايي ډالرو پورې ورسيږي.

 

الحميلي دا هم وويل شركت يې په افغانستان كې د لاس ته راوړنو پلان لري او دم ګړۍ  د انټرنيڼي خدمتونو د وړاندې كولو د يوه ځايي مركز د جوړولو په پروسه كار كوو. كله چې له هغه نه د دې احتمالي معاملې  د ارزښت په اړه پوښتنه وشوه نو په ځواب كې يې وويل، چې په دې اړه به څه ويل اوس له وخت نه وړاندې خبره وي.

داتصالات شركت لوړ پوړو چارواكو له وړاندې نه څرګندونه كړې وه، چې ياد شركت په افغانستان كې د ۳ جي خدمتونو د وړاندې كولو لپاره د جواز ترلاسه كولو په بهير كې دي او داسې امكان شته، چې دا كار به د سږكال په اوږدو كې تر سره شي.