ټول   BBC ازادي راډیو امریکا غږ ډیوه


تونس کې ۹ سخت دریځه د یو پوځي د قتل په جرم په اعدام محکوم شول

د تونس یوې محکمې نهه سخت دریځه د یو پوځي د سر پرې کولو په جرم په اعدام محکوم کړل. د اسلامي دولت یا داعش ډلې د دې قتل د کولو ادعا کړې وه.

15.01.2022 امریکا غږ

امریکا: روسیه په اوکراین باندې د برید لپاره پلمې چمتو کوي

د متحده ایالاتو د ملي امنیت سلاکار د جمعې په ورځ جنورۍ ۱۴ (مرغومي ۲۴) تور ولګاوه چې روسیه د ځواکونو د عملیاتو په پلمه پر اوکراین د برید لپاره بهانه لټوي.

15.01.2022 امریکا غږ

افغانستان ته د بشري قوې استولو په اړه د عمران خان څرګندونو ته غبرګونونه

افغانستان ته د بشري قوې د احتمالي استولو په اړه د پاکستان د صداعظم عمران خان څرګندونو ته د افغانستان یو شمېر پخوانیو چارواکو او سیاستوالو غبرګون ښودلی او هغه د افغانستان په کورنیو چارو کې ښکاره مداخله بللې ده.

15.01.2022 امریکا غږ

دپاکستان مرکزي بانک افغانستان سره مرستو لپاره اکاونټ خلاصولو نه انکار کړی

مطبوعاتي رپوټونه وايي دپاکستان مرکزي بينک د خزانې د وزارت لخوا افغانستان سره دمالي مرستو لپاره دځانګړي بينک اکاونټ پرانستلو حکم منلو نه انکار کړی دى او بينک دريځ خپل کړى چې داسې کولو سره د روپو دغير قانوني اتتقال دمخنيوي اداره ايف اى ټي ايف په پاکستان  نور بنديزونه هم لګولى شي.

15.01.2022 ډیوه

حوثيانو د اماراتو د کښتۍ د خوشې کولو لپاره د ملګرو ملتونو غوښتنه رد کړه

په یمن کې حوثي یاغیانو د شنبې په ورځ جنورۍ ۱۵ (مرغومي ۲۵) د هغې کښتۍ د خوشې کولو لپاره د ملګرو ملتونو غوښتنه رد کړه چې د عربي متحده اماراتو تر بیرغ لاندې فعالیت کوي. 

15.01.2022 امریکا غږ

منظور پشتین:پاکستان کې د ریاست نه د ټوپک واکمني ده

دپښتون ژغورنې غورځنګ دمخکښ مشر اؤ دپاکستان دمرکزي پارلیمان دبندي غړي علي وزیر دضمانت دعریضې د اوریدنه کې یو ځل بیا په ځنډ خپل غبرګون کې دپښتون ژغورنې غورځنګ مشر منظور پشتین  تور لګولی چې هغه د څو جرنیلانو په ذاتي خواهش زندان کې پروت دی.

15.01.2022 ډیوه

د وژل شوې زینب کورنۍ: طالبانو زینب ووژله او د غم په ټغر یې کینولو

د کابل په لویدیځ کې د یوې ځوانې نجلۍ کورنۍ ادعا کوي چې طالبانو هغه وژلې ده.  د دوی په خبره زینب کله چې د پنجشنبې په شپه نهه بجې له خپلې کورنۍ سره د خپل د همکار له واده ته راتلل، د کابل ۱۳مې امنیتي حوزې اړوند د طالبانو د چک پواینټ له لوري په ډزو کې ووژل شوه.  فاطمه د ۲۵ کلنې زینب خور ده وایي چې خور یې د پنجشنبې په شپه نهه بجې د کابل په لویدیځ کې «ګولایي» سیمه کې وژل شوې ده او ادعا کوي چې خور یې د طالبانو له لوري وژل شوې ده.  زینب د یو بانک کارکوونکې او خپلې کورنۍ ته ډودۍ ګټونکې وه.  فاطمه وایي، دا او زینب له خپلې یوې بلې همکارې سره یې د خپل همکار واده ته تللې وې چې په خوشحالۍ کې یې ځان شریک کړي، خو کور ته د بېرته ستنېدو پر مهال طالبانو یې د خور په وژلو دوی د غم په ټغر کېنول.  د زینب د دغې خور په خبره، د موټر چلوونکی یې اوښی و چې د طالبانو په امر په یوه چېک پواینټ کې یې موټر ودراوه ، د پوښتنو او څېړنو وروسته کله چې موټر یې روان کړ طالبانو یې پر موټر ډزې وکړې.  فاطمې ازادي راډیو ته وویل:"یوازې څلور قدمه مخکې لاړو چې د موټر پر شا د مرمیو باران او ډزې پیل شوې چې دوه مرمۍ د موټر له ټول بکس لوري مستقیم مې د خور په زړه ولګېدې او خور مې ځای پر ځای شوه، موټر ودرېده طالبان هم بېرته موټر ته راغلل ما ورته وویل چې دا ده خور مې دې ووژله، هغوی وویل چې نه خور دې وېرېدلې ده."  فاطمه وایي، د پېښې پر مهال ماشومان هم په موټر کې وو.  د نوموړې په خبره، دغې ناڅاپه پېښې او غم یې د زینب پلار، مور، یو خور او د دې ماشومان ان د روغتون کړي دي.  خو د طالبانو مرستیال ویاند احمدالله وثیق په یوه لیکلي پیغام کې ازادي راډیو ته د دغې کورنۍ ادعا ردوي.  هغه لیکلي چې "دغه ادعا هېڅ حقیقت نه لري."  زینب ۵ میاشتې کېدې چې کوژده یې کړې وه او د کوژدن په خبره یې ټاکل شوې وه تر راتلونکې یوې میاشتې واده وکړي.  د زینب کوژدن عبدالمجید بشریار د طالبانو چلند په ځانګړي توګه له ښځو سره "وحشتناکه او د نه زغملو وړ " بولي.  هغه ازادي راډیو ته وویل: "له بده مرغه د دوی چلند له موږ سره لومړی داسې و چې دا پېښه یې په غاړه نه اخېسته چې موږ نه ده کړې، بیا موږ شپږمه، دیارلسمه او اتلسمه حوزه چې د کابل د لویدیځ موبوط کېږي خبره کړه چې دا پېښه تاسو نه منئ نو چا کړې؟ وروسته دیارلسمې حوزې پړه ومنله او ویې ویل چې موږ بښنه غواړو چې دا پېښه موږ کړې بس همداسې دا موضوع د بښنې تر حده پاتې ده."  زینب یوازېنۍ قرباني نه ده چې پر افغانستان د طالبانو له واکمنېدو وروسته د دوی په یو امنیتي چېک پواینټ کې له یوه نړۍ هیلو سره یې هدف ګرځول کېږي بلکې شااوخوا یوه میاشت مخکې هم ورته ادعا شوې وه او ویل شوي وو چې طالبانو په کابل کې په امنیتي چېک پواینټ کې یو داسې ځوان وواژه چې د خپلې کورنۍ یوازینۍ زوی و.  د طالبانو ناسم او غیر مسلکي چلند موضوع هغه تور دی چې ډېر ځله مطرح شوی، خو طالب چارواکو په ډېریو مواردو کې دغه تورونه رد کړي دي. 

15.01.2022 ازادي راډیو

افغانستان ته دبشري قوې لیږلو په اړه دعمران خان په بیان سخت غبرګونونه ښودل شوي

دپاکستان وزيراعظم عمران خان دخپل هېواد له چارواکو غوښتلي چې د دوست هېوادونو په همکارۍ افغانستان ته داسې بشري قوه ولیږي چې د روغتیا، بانکى او نورو ورته څانګو کې مهارت لري چې داسې په افغانستان کې د بشري ناورین مخنيوي وشي.

15.01.2022 ډیوه

د افغانستان اقتصادي بحران؛ طالبانو د مالیاتو ټولولو ته مخه کړې ده

د طالبانو د حکومت چارواکي وایي، د افغانستان د اقتصادي ستونزو د هواري لپاره یې هڅې پيل کړي دي.

15.01.2022 امریکا غږ

پاکستان کې اتلس کلنو کسانو ته دکرونا ضد ویکسین د دریم خوراک لګولو اجازه ورکړل شوې

پاکستان کې د کرونا ناروغۍ د څار وفاقي ادارې نېشنل کمانډ اینډ اپرېشن سینټر يا اين سي او سي د کرونا وايرس د نوي ډول اميکرون په ګډون د نورو نمونو د مخنيوي لپاره د 18 کالوعمر تنانو ته د کرونا وايرس پرضد د ويکسينو بوسټر ډوز يا درېم خوراک لګولو اجازه ورکړې ده۔

15.01.2022 ډیوه

د پښتنو سره په سرشمېرنه کې تل درغلي شوې ده، پښتانه سياستوال او څيړونکي وايي

د پاکستان حکومت  چې روان کال په ملک کې د سرشمېرنې کولو ويلي، پښتانه څيړونکي او سياستوال تور لګوي، په پاکستان کې د وړومبۍ سر شمېرنې څخه را په دېخوا پښتانه، بلوڅ او سرايکان په سرشمېرنه کې کم په ارادې سره کم ښودل کيږي.

15.01.2022 ډیوه

ولې پېښور د پاکستان برخه نه ده؟ نور عالم

ولې پېښور د پاکستان برخه نه ده؟ دغه پوښتنه د حکومتي واکمنه ګوند پاکستان تحریک انصاف د پېښور نه د قامي اسمبلۍ غړي نور عالم خان په اسمبلۍ کې راپورته کړې ده.

15.01.2022 ډیوه

عمران خان غواړي افغانستان ته پاکستانۍ بشري قوه واستوي

د پاکستان صدراعظم عمران خان په افغانستان کې د بشري بحران هواري لپاره دغه هیواد ته د مسلکي بشري قوي د استولو غوښتنه کړې ده.

15.01.2022 امریکا غږ

بلینکن: د امریکا خلک له افغانانو څخه ملاتړ ته ژمن دي

د امریکا د متحده ایالاتو د بهرنیو چارو وزیر انټوني بلینکن د جمعې د ورځې په ماښام د جنورۍ ۱۴ ( مرغومي ۲۴) د ټویټر په خپلې پاڼې کې لیکلي دي چې د امریکا خلک د افغانستان له خلکو څخه ملاتړ ته ژمن دي.

15.01.2022 امریکا غږ

د علي وزير د ضمانت په خواست اورېدنه تر 31 جنورۍ وځنډول شوه

د علي وزیر وکیل قادر خان اېډوکېټ وايي د علي وزير د قضيې د اورېدنې د عدالت جج ته کرونا وايرس لګېدلي، ځکه د قضيې اورېدنه تر 31 نېټې پورې وځنډول شوه.

15.01.2022 ډیوه

OK
This site uses cookies. By continuing to browse the site, you are agreeing to our use of cookies. Find out more