د پاکستان د خزانې وزیر د ملک د اقتصاد ښه کېدو تمه څرګنده کړې
کراچۍ — د پاکستان د خزانې وزير محمد اورنګزېب تمه څرګنده کړې، چې د روان مالي کال 2023/24 اخره پورې به د پاکستان غېر ملکي زر مبادله ذخيره لس اربه ډالرو ته ورسيږي. نوموړي په اسلام اباد کې يوې غونډې ته په وينا کې دا خبره په داسې وخت کې کړې چې د پاکستان حکومت نړیوالې مالياتي ادارې (آی اېم اېف) ته د نورې قرضې يا پور خواست کړی دی. اورنګزېب په اسلام اباد کې د [پرمختيا دپاره مرستو] د سرخط لاندې جوړې غونډې ته په وينا کې ویلي، د نړيوالې مالياتي ادارې نه به درېم قسط زر ترلاسه شي. هغه ويلي د پاکستان د ونډو بازار په ريکارډ کچه په بره تللی، او په غېر ملکي زر مبادله ذخيره کې د مارکیټ د فعاليتونو له امله اضافه شوې ده. نوموړي زياته کړې، د کرکيلې په برخه کې پينځه فيصده اضافه کيږي، او روان کال د فصلونو پيداوار هم سېوا شوی دی. د خزانې د وزير په خبره، که غواړو چې اقتصاد پياوړی شي، نو په ټېکس يا ماليه کې به اضافه کول وي. هغه ويلي، په ملک دننه د علاقايي هيوادونو په مقابله کې د ماليې شرحه تر ټولو کمه نخښه فيصده ده. او د توانايۍ د تاوان کمولو په برخه کې اصلاحاتو ته اړتیا ده. محمد اورنګزېب ويلي، حکومت د ګرانۍ قابو کولو دپاره او د ټولنې کمزورې طبقې سره د ښېکړې دپاره اقدامات کوي. هغه زياته کړې، نړيوالې مالياتي ادارې ته یې د اوږدې مودې پور دپاره خواست کړی دی، حکومت غواړي چې غټ اقتصاد ته ثبات ترلاسه شي، بله دا چې د ملک دننه اصلاحات عملي کړل شي. هغه تمه څرګنده کړې، روان مالي کال به د ګرانۍ شرحه 24 فيصده وي او مالياتي خساره به په خپل حد کې پاتې شي. د پاکستان مرکزي بېنک [سټېټ بېنک] ويلي، روان مالي کال د پاکستان کرنټ اکاونټ خساره 50کروړه او 80 لکه ډالرو ته راټيټه شوې ده، تېر مالي کال هم په دې موده کرنټ اکاونټ خساره څلور اربه او 50 کروړ ډالره وه. د سټېټ بېنک د شمېرو ترمخه، د روان کال 2024 د مارچ په میاشت کې کرنټ اکاونټ خساره 61 کروړه 90 لکه ډالره ريکارډ کړل شوې وه. د بېنک ترمخه، د تېر کال 2023 په مارچ کې کرنټ اکاونټ خساره 53 کروړه او 70لکه ډالره ریکارډ کړل شوې وه.
د امریکا په یو شمېر پوهنتونونو کې د فلسطینیانو د ملاتړ مظاهرې په کړکېچ اوښتي
د امریکا په څو سترو پوهنتونونو کې د فلسطینیانو د ملاتړ مظاهرې د مظاهرو کوونکو او د پوهنتونونو د مسئولینو ترمنځ په کړکېچ بدلې شوي، یو شمېر مظاهره کوونکي نیول شوي او ځینې ټولګي رخصت شوي دي.
د امریکې خارجه وزیر د چینايي مامورینو سره خبرو دپاره د بيجېنګ او شېنګهايي دوره کوي
د سټېټ ډپارټمنټ یو چارواکي د جمعې په ورځ خبریالانو ته وویل چینايي مامورینو سره د بلېنکن په خبرو کې د پرمختګ د امکاناتو په اړه د امریکې نظر ورښانه او حقیقت پسندانه دی. ځینې څېړونکي توقعو نه کوي چې چینايي مامورینو سره د بلېنکن په مذاکراتو کې به څه اهم پرمختګ وشي
این حق من است (تکرار)
این حق من است (تکرار)
دا زما حق دی (تکرار)
دا زما حق دی (تکرار)
مالیزیا کې د دوو هلیکوپترو د ټکر له کبله ۱۰ تنه مړه شوي
په مالیزیا کې دوو پوځي هلیکوپترو په هوا کې ټکر کړی او پکې سپاره ۱۰ کسان مړه شوي دي.
د ایراني صدر د سفر په مهال کراچۍ او لاهور کې عامې رخصتياني اعلان شوي
کراچۍ — د ايراني صدر ابراهيم رييسي د سفر په مهال د پاکستان په دوو غټو ښارونو کې نن د نهې- سه شنبې په ورځ عامې رخصتيانې اعلان شوې دي. د ايران صدر ابراهيم رييسي د 22م نه تر 24م اپرېل پورې د لوړ پوړي پلاوي سره د پاکستان په سفر دی. د پاکستان د بهرنیو چارو وزارت ويلي، د ایران صدر به د پاکستان په سفر کې لاهور او کراچۍ ته ورځي او د صوبې د مشرانو سره به ويني. د پاکستاني مطبوعاتو ترمخه، د پنجاب حکومت په يوه اعلاميه کې اعلان کړی نن د نهې- سه شنبې په ورځ به په لاهور کې عامه رخصتي وي. له دې وړاندې د کراچۍ کمشنر سيد حسن نقوي هم د ايران د صدر د سفر په مهال په کراچۍ کې په ټولو تعليمي ادارو کې په 23م اپرېل د عامې رخصتۍ اعلان کړی وو. ويل شوي په کراچۍ کې د یوې اوونۍ دپاره په ډرون الوځولو هم بنديز لګول شوی دی. دا بنديزونه په داسې وخت کې لګول شوي چې په 19م اپرېل کراچۍ کې د جاپاني وګړو په يو ګاډي ځانمرګی بريد شوی وو. پوليس چارواکو ویلي وو، په دغه برید کې بهرني وګړي خوندي وتلي، دوه نور کسان پکې وژل شوي او دوه ژوبل شوي وو. د پاکستان د بهرنيو چارو وزارت په کراچۍ کې دغه ترهګر بريد غندلی او ويلي يې وو، پاکستان د بهرنيانو وګړو د ساتنې يقيني کولو دپاره ژمن دی. ویل شوي وو، پاکستان به د خپلو نړيوالو همکارانو سره په ګډه د هر ډول ترهګرۍ د مخنيوي دپاره کار ته دوام ورکوي. تر دې وړاندې په 26م مارچ د خېبر پښتونخوا بشام سیمه کې د چینایي اينجنیرانو په یوه قافله هم ځانمرګي برید شوی وو، پینځه چینایي انجنیران او د هغوي یو پاکستانی ډرایور پکې وژل شوي وو.
مجاهد امریکا ته: د افغانستان او لودیځو هیوادونو د بشري حقونو ارزښتونه سره توپیر لري
د طالبانو ویاند ذبیح الله مجاهد، نړۍ کې د بشري حقونو د وضعیت په اړه د امریکا د بهرنیو چارو وزارت راپور ته، چې په کې طالبان په پراخه توګه د بشري حقونو په سرغړونو تورن شوي، ویلی چې لویدیځ هیوادونه دې پر افغانانو خپل فرهنګ نه تحمیلوي، د افغانستان خلک مسلمانان دي او حقوق یې د شریعت پراساس تعریف کیږي.
طالبانو د افغان میرمنو لپاره فرصتونه محدود کړي، راپور
د متحده ایالاتو د بهرنیو چارو وزارت په نړۍ کې د بشري حقونو د وضعیت په هکله پخپل کلني راپور کې ویلي چې تیر کال په افغانستان کې د طالبانو د فرمانونو له کبله د میرمنو لپاره وضعیت د پام وړ توګه خراب و.
سيپري: په نړيواله کچه پوځي خرڅونه نور زيات شوي
د څيړنې یوې نړیوالې ادارې دي سټاک هوم انټرنېشنل پيس ريسرچ انسټيټيوټ (سيپري) ويلي، په 2023م کال کې په نړیواله کچه دفاعي پوځي خرڅونه 2443 بيلينه ډالرو ته رسېدلي دي.
جنوبي وزيرستان: د ماين په چاودنه کې دوه ماشوم وروڼه ژوبل شوي
د افغانستان سره په پوله پرتې د خېبرپښتونخوا په قبايلي ضلعې بر جنوبي وزيرستان کې د ځمکني ماين چاودنه شوې، دوه ماشومان وروڼه يې ژوبل کړي دي.
ایران او پاکستان په غزې کې د اوربند غوښتنه وکړله
د ایران جمهور رئیس ابراهیم رئیسي پاکستان ته پخپل رسمي سفر کې په غزې کې د اسرائیل لخوا "نسل وژنه" وغندله او د اوربند غوښتنه یې وکړله.
پاکستان او ايران متفق شوي چې دوه اړخيزه تجارت به لس اربه ډالرو ته رسوي
پاکستان او ايران د دوه اړخيزه تجارت حجم لس اربه ډالرو ته سېوا کولو باندې اتفاق کړی دی، د امنيت، ساينس او ټېکنالوجۍ سره یې په نورو برخو کې په مرستو سېوا کولو یادداښتونه هم لاسليک کړي دي.
یونېسف: موسمي بدلون پاکستان کې ماشومانو ته سخته خطره جوړه کړې، باید ورته فوري توجه وشي
د ملګرو ملتونو متعلقه د ماشومانو دتحفظ اداره (یونېسف) وایي چې موسمي بدلون په پاکستان کې ماشومانو باندې ناوړه اثرات غورځولي دي او په کار ده چې د دوی تحفظ دپاره دې فوري ګامونه واخېستلی شي.
ارمېنیا د ملګرو ملتونو له عدالته غواړي چې د تفریقي چلند په اړه د اذربایجان دعوه باطله وګرځوي
د ارمېنیا وکیلانو د ګل/دوشنبې په ورځ د ملګرو ملتونو د اعلی عدالت نه وغوښتل چې د اذربایجان لخوا د قره باغ سیمې په اړوند درج شوې هغه دعوه دې رد کړې کومه چې ارمېنیا په نسلي صفايي تورنوي.