د صدر ډانلډ ټرمپ او د جوبایډن د خارجه پالېسۍ توپیر
د وي او ای د انګریزۍ څانګې دې رپورټ ترمخه د نومبر په دریمه نېټه کېدونکو انتخاباتو کې دواړه امیدواران په بنيادي توګه دا توپير لري: ټرمپ وايی “تر ټولو لمړۍ امريکه” یعني لومړۍ ترجیح یې امریکا ده او بایډن د نړۍ سره د همکارۍ زیاتوولو مفکوره لري
د فرانس پولیس د چاړه د خونړۍ حملې په لړ کې دویم مشکوک تن نیولی دی
د زیارت، پنجشنبې، په ورځ د نیس په نورټرډېم کلیسا کې حمله کوونکي د تیونس شهري ۲۱ ابراهیم اسوی په چاړه درې کسان ووژل. وروسته هغه د پولیس په ډزو د زخمي شو او ونیول شو. ابراهیم څو ورځې وړاندې اټلي دلارې فرانس ته رسېدلی و
کاروان
کاروان ځانګړې اونیزه خپرونه چې د تکنالوژۍ له نړۍ څخه تازه او په زړه پورې ریپوټونه خپروي او تاسو د اوسني عصر له وروستیو پرمختګونو خبروي.
د زلزلې دلاسه په ترکي او یونان کې د مړو شمېر ۱۹ ته رسېدلی دی
د یونان په ساموس جزیره کې دوه کسان یو دېوال د غورځېدو له امله مړه شول. په جزیره کې لږ تر لږه ۱۹ نور کسان زخمیان شوي دي
ترکي او یونان کې سخته زلزله - څلور تنه مړه، لسګونو نور ژوبل شوي
ترکي چارواکو ویلي په غربي ازمیر صوبه کې راغلې سختې زلزلې کې څلور تنه وژل شوي. د چارواکو په وینا دغه زلزله د ترکي او یونان تر منځه په یوه یوناني جزیره یا ټاپو کې راغلې. د ترکي د صحت وزیر فهرتین کوسا په خپل ټوېټر اکاونټ رپورټ ورکړی چې په ازمیر کې څلور تنه مړه شوی او ۱۲۰ نور ژوبل شوي دي. نوموړي زیاته کړې دغه سیمې ته ۳۸ اېمبولېنسې، ۲ هیلي کاپټرې او ۳۵ د صحي مرستو ډلې لیګل شوي دي. د اروپا او بحیره روم د زلزلو معلومات لرونکي مرکز ویلي د دغه زلزلې زور په ریکټر سکېل ۶.۹ وو. د زلزلې مرکز د ترکي د ساحل نه ۳۲ کلومیټره لرې او د سامو جزیرو نه ۱۳ کلومیټره لرې دی. د امریکا د جیالوجېکل سروی تر مخه د زلزلې زور ۷.۰ مېګنیچیوډ وو. د زلزلې وروسته هم په دغه سیمه کې وړې جټکې راغلي. د ترکي سرکاري خبري ادارې اناتولو ویلي په ازمیر کې د یوې غورځیدلې ودانۍ نه درې ژوبل کسان راویستل شوي. د ازمیر ښاروال سي اېن اېن ترکي څانګې ته ویلي، په دغه سیمه کې تر ۲۰ پورې لوړې ودانې غورځیدلي. ازمیر ښار د ترکي دریم لوې ښار دی او ۴.۵ میلینه ابادي لري. د ترکي کورنیو چارو وزارت تر مخه په یو شمیر نورو صوبو کې هم د زلزلې د لاسه د ودانیو دیوالونه چاودلي. په سامو ټاپو کې بیا په سړکونو او ودانیو ته زیان رسیدلی. په دغه سیمه کې د هسپتال چارواکو ویلي، څلور تنه ژوبل شوي او د علاج لپاره روغتون ته رسول شوي. د یونان سرکاری ټي وي تر مخه د زلزلې وروسته د وړې پیمانې سمندري توپان (سونامي) هم راغلې چې ودانیو ته یې زیانونه اړولي. په ټولنیزو رسنیو خپرو شوو ویډیو ګانو کې لوۍ کشتۍ د ښار په کوڅو کې ښودل شوي. د مطبوعاتي رپورټونو تر مخه په برتانیه او بلغاریه کې هم دغه زلزله احساس شوې.
پاکستان کې د فرانس او صدر مېکران پرضد د قهره ډک احتجاجونه شوي
په امريکا کې د نېشنل انټرسټ مجله په يوه تازه مقاله کې ليکي چې وزيراعظم عمران خان د اسلاموفوبيا نعرې د سياسي مقصد لپاره وهي. او دا چې په ګاونډي چين کې، د پاکستان نه څو سوه ميله لرې، په سېنکيانګ کې د مسلمانانو سره دچين په ناوړه چلند باندې خاموشي، د مجلې په وينا، د هغه منافقت ښايي.
د ويغرمسلمانانو سره روان تشدد ته د کېنیډا لخوا په قتل عام ويلو مبارزين خوشبين دي
د دغې کمېتۍ مشر پيټر فونسيکا وي او ای ته ويلي د کېنیډا اکثره ګوندونو په يو غږ د دغې قرارداد منظوري ورکړې او د چين تشدد يې د ويغر قتل عام بللې، د کمېټۍ رپورټ د منظورۍ لپاره خارجه وزارت ته استول شوی.
ترکیه کې زلزلې څلور تنه مړه او لسګونه نور ژوبل کړي
په ترکیه کې چارواکي وايي د «اژه» سمندر په ساحل کې زلزله شوې ده. لږ تر لږه څلور تنه مړه شوي او شاوخوا ۱۲۰ نور ژوبل دی.
افغانستان او ځینو نورو هېوادونو کې د فرانسې ضد مظاهرې
نن جمعه اکتوبر ۳۰ (لړم۹) په کابل کې سلګونو کسانو د فرانسې د ولسمشر د څرګندونو په ضد مظاهره وکړه.
مایک پمپیو د اسیا سفر ویتنام ته په تللو پای ته ورسوه
مایک پمپیو د اسیا سفر ویتنام ته په تللو ختم پای ته ورسوه
ټرمپ او باېډن په فلوریډا کې انتخابي کمپاېنونه ترسره کړي
د امریکا په صدارتي ټاکنو کې د رایې ورکولو لپاره پاتې څو ورځو کې صدارتي کاندیدانو د زیارت په ورځ د امریکا مهم سویل ختیځ ایالت فلوریډا کې خپل انتخابي کمپاېن ترسره کړی. د ډیموکرېټ ګوند صدارتي کاندید جو باېډن د بروورډ کالج نه بهر په ګاډو کې ناستوخپلو پلویانو ته ویلي، ٫٫ که فلوریډا ابي رنګ ته ووټ ورکړو، نو هر څه به پاې ته ورسي.٬٬ ابي رنګ د ډیموکریټ ګوند رنګ دی. په دغه مهال جو باېډن په صدر ټرمپ نیوکې وکړې چې سره د کرونا وبا داسې غونډې کوي چې په جلسو کې یې خلک ډیر او بې د ماسکونو وي. جو باېډن د صدر ټرمپ انتخابي جلسو ته د کرونا وبا د خورولو دستورې ویلي. په ټامپا کې خپلې دویمې جلسې ته د وینا په وخت باېډن ویلي چې دا صدر د کرونا وایرس نه علاوه نور ډیر څه خوروي. هغه په خلکو کې وېش او اختلاف خوروي. د جو باېډن دویمه جلسه د بارانه د لاسه لنډه کړې شوې وه. په ټامپا کې بیا تیره ورځ سهر په یو لوې سټېډیم کې د خلکو یوې لوې ګڼې ته د وینا په وخت صدر ټرمپ یو ځل بیا اندازه ښودلې چې ریپبلکن ګوند به صدارتي انتخابات ګټي. او د نومبر په دریمه نیټه به یوه ٫٫لویه سره چپه٬٬ راځي. ټرمپ ویلي،٫٫ مونږ به دا انتخابات په لویه کچه ګټو، تاسو به ګورئ.٬٬ د زیارت په ورځ ناوخته بیا صدر ټرمپ په نارت کېرولاینا کې یوه بله لویه جلسه هم کوله خو د بد موسم د لاسه د غه جلسه وځنډول شوه. صدر ټرمپ بیا خبریالانو ته ویلي، دغه جلسه به د ګل/ دوشنبې په ورځ کوي. په ټامپا کې د وینا په وخت صدر ټرمپ ویلي، په راروانو څو اونیو کې به د کرونا وایرس پرضد ویکسین تیار وي او دا ژمنه یې وکړه ٫٫ د زیات عمر کسانو ته به دغه ویکسین تر ټولو وړاندې ورکړل کیږي. په فلوریډا کې د ۶۴ کالو نه د زیات عمر کسان صدر ته د رایې ورکونکو دریمه برخه وي. په امریکا کې د کال ۱۹۹۶م راهسې د فلوریډا ایالت ګټونکې صدارتي ټاکنې هم ګټي. په فلوریډا کې ګټونکی کاندید د ۲۷۰ الیکټورل ووټونو کې ۲۹ ترلاسه کوي. په امریکا کې د ریېل کلیېر پالټېکس نومې ادارې د نظر پوښتنو ترمخه ټرمپ او باېډن په فلوریډا او نارت کېرولاینا کې په سخته مقابله کې دي، خو په مېشيګن، پېنسلوینیا او وسکانسن کې صدر ټرمپ بیا د پخواني ناېب صدر نه وروسته دی. په امریکا کې قامي نظر پوښتنې ښايي چې جو باېډن د ټرمپ نه د ۷ نه تر ۸ پواېنټونو پورې وړاندې دی، خو دغه فرق پیا په ځینو مهمو ایالتونو کې د نیم نه هم زیات دی. دغه ایالتونه به دالیکټورل کالج د نتیجو فیصله کوي. سږ کال په لویه شمیره کې امریکایان د نومبر د دریمې نیټې وړاندې رایې ورکوي. چې د دواړه کاندیدنو لپاره یا په حق کې کیدلی شي. خلک غواړي د کرونا وبا په دې ورځو کې د انتخاباتو په ورځ باندې لوې ګڼې ګوڼې جوړې نه کړي. په امریکا کې تر اوسه د ۸۰ میلینو نه زیاتو خلکو وړاندې ووټونه یا ارلي ووټ اچولی. کوم چې د کال ۲۰۱۶ کې اچول شوو ووټونو د نیمایې نه زیات ووټونه دي. په دغه کال کې په امریکا کې ۱۳۸.۸ میلینه خلکو رایې ورکړې وې. کومو امریکایانو چې د وړاندې نه رایې ورکړي د هغوي په دریو کې دوه برخې رایې ورکونکو یا خو خپلې رایې په ډاک لیګلي او یا یې بېلټ باکسونو کې اچولي، او پاتې نور بیا په ګرده امریکا کې جوړ شوي مرکزونو ته رایې ورکولو له ورځي. جوباېډن د شورو یا چارشنبې په ورځ د ډېلویر په ویلمنګټن کې او ټرمپ د خالي یا شنبې په ورځ د فلوریډا په پام بیچ کې په یوه لاېبریرۍ کې رایې ورکړې. په امریکا کې دانتخاباتو او رایو ماهرین وايي د ریپبلکن ګوند ټرمپ او د هغه مخالفه د ډیموکریټ ګوند باېډن تر منځه صدارتي مقابله کې د کال ۱۹۰۸م را په دیخوا تر ټولو زیاتې رایې اچول کیدلی شي. په دغه کال کې ۶۵ فیصده د رایې ورکولو اهل امریکایانو رایې ورکړې وې.
افغانستان یوځل بیا د استخراجي صنایعو د نړیوال بنسټ غړی شو
د افغانستان د کانونو او پټرولیم وزارت وایي چې دغه هېواد یوځل بیا د استخراجي صنایعو د روڼوالي نوښت نړیوال بنسټ یا «اي ای ټي» غړیتوب ترلاسه کړی دی.
'د ارغنداب ولسوالۍ ځینې برخې بیرته له طالبانو نیول شوي'
د کندهار په ارغنداب ولسوالۍ کې د وسله والو طالبانو او حکومتي قواوو ترمنځ جګړه نن دریمې ورځې ته داخل شوه.
د ارزګان د دهراود ولسوالۍ د سقوط مخه نیول شوې ـ چارواکي
د ارزګان امنیتي مقامات وايي چې دهراود ولسوالي له سقوط څخه ژغورل شوې، خو وايي چې لاهم جګړه د ولسوالۍ په بازار کې دوام لري.
په کرونا وایرس پاکستان کې دیو شواروز دننه ۲۰ نور کسان مړه شوي
پاکستان کې د کرونا وایرس د خوریدو لړۍ یو وارې بیا چټک شوې اؤ په تیر یو شواروز کې ۱۰۷۸کسان په دې وایرس اخته شوي اؤ ۲۰ مړه شوي دي.
