ټول   BBC ازادي راډیو امریکا غږ ډیوه


د اولمپيک سياليو ۱۳ ورځ: اردن د سرو زرو لومړی مډال وګاټه

د برازيل په ريو ډي جنيرو کې د روانو اولمپیک سياليو پر ۱۳ مه ورځ کوربه هېواد دوه نور د سرو زرو مډالونه وګټل. امريکا د مډالونو په کتار کې لا لومړی ځای لري او په لومړي ځل اردن د سرو زرو مډال خپل کړ.

19.08.2016 BBC

سوریه کې داعش ولس د "ډال په توګه" کارولی

له هوا نه اخیستل شوي تصویرونه ښيي، چې د 'اسلامي دولت' نومي ډلې یا داعش وسله والو د سوریې له منبیج ښاره د تېښې پر مهال ملکي خلک د ډال په توګه کارولي.

19.08.2016 BBC

جرمڼي: نقاب په جرمني ټولنه کې د ادغام مخنیوی کوي

د جرمني د صدراعظمې انگلا مرکل محافظه کاره گوند موافقه وکړه چې ښځې په ښوونځیو او پوهنتونونو کې او همداشان د موټر چلولو پر وخت د نقاب یا مخ پټولو څخه منع کړای شي.

19.08.2016 امریکا غږ

د مرستو کمښت او جګړو د ماین پاکۍ پروسه له خنډ سره مخ کړې

په افغانستان کې د هغو میلیونونو ماینونو او ناچاوده توکو د پاکولو څو کلن کمپاین چې د پخواني شوروي اتحاد د یرغل او د داخلي جګړو له وخت پاتې دي، د نړیوالو مرستو د کمیدو او د هېواد په ډیرو برخو کې د ناامنیو د شدت له امله د په ټپه درېدو له ګواښ سره مخامخ دی. ټاکل شوې وه چې د افغانستان د اقتصادي احیا لپاره اړین دغه پروګرام په ۲۰۱۳ کال کې بشپړ شي، خو دغه کار تر اوسه ندی شوی که څه هم د هېواد له پنځو برخو تقریباً څلور برخې له ماینونو پاکې ګڼل کیږي. د ملګرو ملتونو د شمېرو له مخې په شاوخوا ۶۰۰ سوه کیلومتر مربع سیمه کې له ۳۰۰۰ څخه په زیاتو مشخصو ساحو کې چې ۱۵۷۰ کلي دي، تر اوسه هم ماینونه پاتې دي. ددې سیمو څخه یوه یې د سالنګ لویې لارې ته نږدې پرته ده. عبدالقدیر حلیمي چې د افغان دولت او ماین پاکۍ د موسسو ترمنځ د رابطې جوړونکي په توګه کارکوي وايي، په افغانستان کې په میلیونونه ماینونه موجود وو چې ډیر یې د ماین پاکۍ د موسسو له خوا له منځه یوړل شول خو اوس هم په یو شمیر غرنیو سیمو کې د ماینونو خطرموجود دی. د روان کال د اپریل او جون د میاشتو ترمنځ موده کې د حکومت د مالوماتو له مخې په افغانستان کې د ماینونو او ناچاوده مهماتو د چاودنې له امله ۲۸ کسه وژل شوي او ۵۳ نور زخمیان شویدي. دغه شمیره، د۲۰۰۱ کال په پرتله چېد دریو میاشتو په موده کې پهکې ۵۰۷ مړه او ژوبل شوي وو، کمه ده. خو د تیرکال د عین مودې په پرتله زیاتوالی ښيي چې ۳۸ کسه د ماینونو په چاودنو کې وژل شوي او ټپیان شوي وو. ملګري ملتونه وايی سږکال د ماینونو نږدې اتیا په سلو کې تلفات ماشومان وو.   د ماین پاکانو په وړاندې امنیتي ګواښونه ماین پاکۍ تل یوه خطرناکه وظیفه پاتې شوېده، خو د هېواد په ډیرو برخو کې د جنګونو زیاتوالي د ماین پاکۍ چاره د هېواد په لږ شمیر سیمو پورې محدوده کړې، او ماین پاکان له ډیرو خطرونو سره مخامخ دي. د ۲۰۱۶ کال په لومړیو شپږو میاشتو کې ماین پاکان له ۲۵ امنیتي پېښو سره مخامخ شوي چې له امله یې ۶ کسه ووژل شول او ۹ نور زخمیان شول. ۶۷ نور برمته شول او بیرته خوشې شول. په ۲۰۱۵ کال کې په ۳۵ امنیتي پېښو کې ۸ کسه ماین پاکان ووژل شول، ۳۴ ټپیان شول او ۶۳ نور اختطاف شول. چارواکي وايي د افغانستان په ۲۶ ولایتونو کې له ماینونو ډکې او یاهم خطرناکې سیمې شته چې د ماین پاکۍ چاره په کې اوس مهال د امنیتي وضعیت د خرابوالي له امله ډیره خطرناکه ده. په ځینو، مواردو کې طالبانو او جنایتکارانو په دوی بریدونه کړي او په ځینو نورو وختونو کې بیا طالبانو ورسره ښه رویه کړې. ښاغلی حلیمي زیاتوي "دوه مهمې ستونزې چې ماین پاکان ورسره مخامخ دي، امنیت او پیسې دي. ځینو موسسو د بودیجې د کموالي له امله خپل فعالیتونه کم کړي". د مرستو کموالی په افغانستان کې د ماین پاکۍ چارې تهنړیوالې ټولنې په ۲۰۱۶ کال کې ۲۲ میلیونه ډالره ځانګړي کړي، په داسې حال کې چې ملګري ملتونه وايي دې کارته د ۸۵ میلیونو ډالرو ضرورت دی. یوازې په ۲۰۱۱ کال نړیوالو د ۹۷ میلیون ډالرو مرسته وکړه، له هغه راوروسته د ماین پاکۍ له برخې سره په نړیوالو مرستو کې کموالی راغلی. په عین وخت کې د ماین پاکۍ د کلنیو مصارفو تقاضا لوړه شوې، ځکه په ځینو سیمو کې نوې ماین لرونکې سیمې کشف شوي او بل علت یې په تیرو کلونو کې د نړیوالو له خوا د لږ پیسو مرسته ښودل شوې. تیرکال ۳۸ میلیونه ډالره مرسته وشوه په داسې حال کې چې ۶۵.۹ میلیونو ته اړتیا وه. ملګري ملتونه او افغان چارواکي ویره لري چې د سږ کال مرسته به هم ښايي کافي نه وي، ځکه د نړیوالو پاملرنه او مرستې د عراق او سوریې په څېر نورو سیموته اوښتي. د پخوانیو مرسته کوونکو هېوادونو استازو چې یا یې هم مرستې کمې کړي او یا یې بیخي قطع کړي، په دې هکله له څه ویلو ډډه وکړه. د ماین پاکۍ له پروګرامونوسره لوی مرسته کوونکي هېواد امریکا، وايي ژمن دی چې هرکال د ماین پاکۍ له پروګرامونو سره شل میلونه ډالره مرسته وکړي خو د نورو هېوادونو د هڅونې لپاره هڅو ته اړتیا ده.

19.08.2016 امریکا غږ

د شپږيزې سيالۍ په انځورونو کې

افغان پلازمېنه کابل کې د کرېکټ د 'شپږیزو' شل اووریزو سیالیو په لړ کې د مس عینک اتلانو او کابل بازانو ترمنځ پایلوبه شوه. کابل بازانو دغه سيالي په پنځو وېکټو وګټله او د دغو سياليو اتلولي يې خپله کړه.

19.08.2016 BBC

دبۍ: هغه بریتانوی نیول شوی چې د افغانانو لپاره یې د بسپنې غوښتنه کوله

دبۍ کې یو ۴۲ کلن بریتانوی سړی له دې کبله نیول شوی، چې په کابل کې یې د بې ځایه شویو کسانو لپاره د بسپنې یو پیغام پر خپله فېسبوکپاڼه له نورو سره شریک کړی و.

19.08.2016 BBC

د لامبو وهنې افغان فدراسیون ته د نړیوالو فدراسیونونو خبرداری

د لامبو وهنې اسیایي او نړیوالو فدراسیونونو د افغانستان د لامبو وهنې فدراسیون ته خبر داری ورکړی، که د اګست تر پایه د حق العضویت پیسې ورنه کړي، غړیتوب به یې لغوه کړي. دغه فدراسیون نهه کاله اسیایي او نړیوالو فدراسیونونو ته د حق العضویت پیسې نه دي ورکړي.

19.08.2016 BBC

د سردې بند کې د یوې ښځې مړی موندل شوی

د افغانستان سوېل ختیځ ولایت پکتیکا روغتیایي چارواکي وایې، د مرکز ښرنې اړوند د سرده اوبو بند کې یې د یوې ۳۷ کلنې ښځې جسد موندلی دی.

19.08.2016 BBC

المپیک لوبو کې ابوغوش د تکواندو برخه کې د سرو زرو مډال وګاټه

د المپيک په ۲۰۱۶ میلادي کال سیالیو کې له اردن څخه احمد ابوغوش د تکواندو په برخه کې د سرو زرو مډال وګاټه. د تکواندو د نړیوال فدراسیون د معلوماتو له مخې احمد ابو غوش په ۶۸ کیلو ګرام وزن کې د سرو زرو د مډال په ګټلو سره د اردن په تاریخ کې د تکواندو په برخه کې لومړنۍ لوبغاړی دې چې دغه مډال ګټي. اردن له ۱۹۸۰ کال راهیسې د المپیک په سیالیو کې ګډون کوي خو دا لومړی ځل دی چې دغه هېواد مډال ګټي.  

19.08.2016 ازادي راډیو

کابل بازانو د کرېکټ شپږېزې اتلولي وګټله

افغان پلازمېنه کابل کې د شپږيزې سياليو په پايلوبه کې کابل بازانو مس عينک لوبډلې ته ماته ورکړه. دا لومړی ځل دی چې کابل بازان دغه اتلولي ګټي.

19.08.2016 BBC

بغلان والي: د کندز- بغلان لویه لار بیرته پرانیستل شوه

د بغلان والي عبدالستار بارز وايي، تیره شپه د افغان ځواکونو د عملیاتو په نتیجه کې ۳۹ وسله‌وال طالبان وژل شوي او ۳۰ نور ټپیان شوي دي.

19.08.2016 امریکا غږ

له کنډوالې راوتلي عمران د نړۍ زړه سوی خپل کړ

د بریتانیا چاپ انډېپنډنټ ورځپاڼې خبر ورکړی چې د هغه سوریايي ماشوم کورنۍ د خاورو له لاندې ژوندۍ راوایستل شوه چې د نړۍ ګردچاپېره یې د ډېرو ترحم او زړه سوي د ځان کړ.

19.08.2016 BBC

د کډوالو ستنېدو پېښور کې د ملکیتونو کاروبار اغېزمن کړی

له پاکستان نه د افغان کډوالو د ستنېدو بهیر وروسته تر هغه چټک شوی، چې پاکستاني حکومت د افغان کډوالو په اړه خپله تګلاره نوې کړه چې ورسره پېښور ښار کې د شتمنیو سوداګري اغېزمنه شوې ده.

19.08.2016 BBC

نوراني ګوګل ژباړن ته څومره پښتو جملې داخلې کړي؟

د ازادي راډیويي مجلې په روانه خپرونه کې له افغان ولسي شاعر او سندرغاړې نيازولي شهيديار سره مرکه...

19.08.2016 ازادي راډیو

روسیه: حلب کې ۴۸ ساعته اوربند منلو ته چمتو یو

روسیه وايي، د سوریې حلب ښار کې یې د ۴۸ ساعتونو لپاره اوربند مني، چې په لړ کې یې کلابندو سیمو ته بشري مرستې ورسېږي. ملګرو ملتونو د مسکو دددغه اعلان هرکلی کړی او وايي د اوربند پلي کېدو لپاره به پر نورو جزییاتو کار وکړي.

19.08.2016 BBC

OK
This site uses cookies. By continuing to browse the site, you are agreeing to our use of cookies. Find out more