غزل
ارمان مې له یوبل سرکښ ارمان نه کډه بارکړه
افغان وخومجبورشو له افغان نه کډه بارکړه
په شنوبارودوسوی دازخمي وطن مې ځان و
بې ځانه شومه خدایګو ماله ځان نه کډه بارکړه
نارې داناالحق چې په کې ګونګې شوې ملګرو
منصورولس دعشق له امتحان نه کډه بارکړه
زاهده! اوس به څنګه دچاخوب له سترګوتښتي
خلوص دې سپیده داغ کې له اذان نه کډه بارکړه
دازمکه خودخدای ده مونږ خوهسي پرې میشته یو
بارانه ! تاموولې له اسمان نه کډه بارکړه
بې هیڅه یې تمام عمرپه سترګوکې اغزی و
لاګرم دی( غضري ) چې له جانان نه کډه بارکړه
