دغماز په لمسون بیل رانه دلبر شو
زړه زما زخمي زخمي پر هر پر هر شو
د فراق په تورو شپو کې مې ژوندون دی
د بیلتون د لاسه ژوبل مې ځیګر شو
لکه شمع هسې توی شومه تیارو کې
د رڼا په امید ختم مې نظر شو
ددنیا ښکلي مخونه رانه هېر شول
په نظر چې مې دا ستا ښکلی بشر شو
چې وصال یی راښکاره د سپین جمال کړو
د ښایست صفت یې خور په لرو بر شو
لکه پاڼه د خزانه په رپيدو شوم
چې محفل کې د اغیار راته نظر شو
ای سمسوره!! چې زیبا د یو نظر وه
هغه ښکلی د بل چا د زړګي سر شو
سمسور حبيبي
