په سفر ځم اجازه راکړه
داستایادونه به په زړه کې ګرځومه
ترتوروغرورانه پنا شوې
که دیدن نشته لیک راواستوه مئینه
ته ځوانیمرګ شې څه دې وکړه
زه ستاپه طمعه ته دبل کوې سېلونه
دلاس بنګړي دې راته مات کړه
زه به مورکۍ ته یاره څه بهانه کومه
په کټ کې ناسته یار مې نشته
اوس به یې له غم سره جوړه څملم مئینه
ولې دې پرېښودم دلبره
تاویل ترمرګه ملګرتیادرسره کړمه
په ژوند دې خوار غواړم بېلتونه
چې دې اشنا راته جداکړڅه به کړمه
یادې دځان په غم اخته کړه
یادې بې موراوپلاره ووینم مئینه
والله که ستاسره سره پخلا شم
چې دې راکړي دي په زړه سوي داغونه
کړکۍ ته ګورم پته نشته
په خوب وېده ده که لاسونه سره کوینه
زه به ترڅو درته زارۍ کړم
که زړه دې نه غواړي ځواب راکړه مئینه
17.12.2007
- laman
داسې خالي خو د ښايست له زورورو نه و د چينارو کلی خو بې له سترګورو نه و
چې دا کوچۍ څنګه سپېرې شونډې را کوزه شوله!سپين غر خو داسې بې مماڼو بې ګور ګورو نه و
ها څانګې ، څانګې، لختې، لختې نجونې نه شته کنه دا مازيګر خو بې ټپو او بې سندرو نه و
هغه ترې توره د دښمن په ټټر ونېوله خو خوند يې خوا کې د خورو ورو ملګرو نه و
انده! راغه سږ کال غاټول ګلان ونه ټوکول د رود پر غاړه شور د زرکو د تنزرو نه و
...
17.12.2007
- laman
يوڅوک دي ټوله شپه خداى تر سهاره يادوي يو څوک يې دمنصور غوندې تر داره يادوييو څوک دې په سپين غر زړګي بمونه وروييو څوک دې په خوبو کې ننګرهاره يادوييو څوک له ما هم ډېر پر تا مئين دى او که څنګه ؟يو څوک دې په هر ځاى کې راته ياره يادوييو (( څوک )) درباندې نوم دخپل معشوق ليکي ژوريو څوک دې په شعرونو کې چيناره يادوييو څوک دجانان ، نيم ، نوم راته اخلي زوروي مې يو څوک يې راته شونډو کې کراره يادوييوڅوک مې خوب ته نه پريږدي، داستوري په ما شمېري يو څوک دې راته هره...
