څه ساده خلک يو چې څوک راته راوګوري لږ         
مونږه ورمنډه کړو لاسونه ورته دواړه ورکړو
مونږ اطرافيان بس په هرچا کوو دخپلو ګمان         
څوک چې راپاڅي تالاشئ ته مونږه غاړه ورکړو
دوی مو په شاړو واسکټونو کې بمان لټوي         
مونږورته جيب نه موټې کورت  راواخلو واړه ورکړو
مونږ ساده خلک په ټګئ او برګئ نه پوهيږو          
چې څوک مو خوښ شي نو بس زړونه په ولاړه ورکړو
دسر په بيه له خپل حق نه تيريدلاى نشو           
دې ته حاضر يو چې دوستئ کې ورته دواړه ورکړو