غزل 

دا عمر څه خوږ؟ چې د ویر او غم په کور تیریږي
چې په تا درد تیریږي ما باندې هم اور تیریږي

د بې شعوره بې احساسه پښتنو په وجود
د رواج خدای مدام د ظلم په اس سپور تیریږي

د تلو په وخت کې مو ناڅاپه داسې چیغې وکړې
لکه په منځ د ماشومانو کې منګور تیریږي

ظالم یې نه اوري ګنې مظلوم چې اخ وکاندي
په کایناتو کې یو سورطوفان د شور تیریږي

سادګان وايي چې جلانه! ښه مزې دې وکړې
خو خبر نه دي چې مې ژوند د درد په زور تیریږي

سیدجیلاني جلا