ځمکه خپه کيږي نه
ستوري به بيا شمارمه
پرې چې شپه پخه شي لا
اوس اسمان ته نه ګورم
ځمکه به خپه شي بيا
***
ځمکه په ما ګرانه ده
ځمکې په سر کور لرم
يو مې دی دادا په کې
يوه ادکۍ مور لرم
پلارزما ګنډونكى دی
ښه ډولي خولۍ ګنډي
مور مې پې خامک کوي
په څنډويې مرۍ ګنډي
خوله به په سر کړمه
ښکلی به ښکاريږمه
لاس به مې پرې ايښی وي
ډير به پې ډاريږمه
***
اوس شپه پخه شوې ده
ځمکه خپه کيږي نه
يو،يو ستوری شمارمه
کټ مې چپه کيږي نه
