نجيب عامر
په او ښکو لونګينه او شيرينه زندګي ده
جانانه! بلا ډېره نازنينه زندګي ده
ترشنه اسمان دلاندې او تر خړې ځمکې پورته
بغير له ميني څه دي خو بس مينه زندګي ده
دشنو بنګړيوباردى خيال به ډېر ساتې جانانه
د ځان په څېر دې ګوره چې مهينه زندګي ده
په غرونو او رغونو به داستا په تکل ګرځم
(پري !) دا ستا په سر خو مې تر چينه زندګي ده
ياران کنګل نيولي دي دمينې لمر په کار دى
دانن سبا کابل کې هم واورينه زندګي ده
مرګ څه دى د رنګين ژوندون په لوري يو قدم دى
يو شين تصوير راښايي څه خوشبينه زندګي ده
