څه رنګینه شان موقعه ده
د تـاریخ حساس شیبه ده
سرنوشت پــــه بله کیږي
د افغان د ژوند کیسه ده
زما ، ستا چې د لسیزو
د حالاتـو نــــه ګیله ده
اوس راپاڅه لاس په کار شه
چې د مرګ او ژوند صفحه ده
ښه یې وینو چې ډوبیږو
لا هم وینه مـو سړه ده
د افغان نسل ورکیـــږي
ترېنــــه پاتې قافله ده
نن د وخت بدنام سالار بیا
د ولس په سره دعوه ده
سره یو شئ چې ورکیږو
د غلیم سره مـو شپه ده
شهامت مونږ ته پکار دی
څه ویرجنه سلسله ده؟
سرنوشت مو خپل په لاس کړئ
د پردو نــــه څــــه ګیله ده
که یو نه شو نو ورکیږو
پکار عــــزم اراده ده
اوس لا هم زمونږ د نیکونو
لــــوټه شوی حماسه ده
پوه رهبر درول غــــواړو
دا مــــو عــــزم اراده ده
افغاني په دې موقعه کې
د یووالــــي لار کــــره ده
------------------------
24.03.2020
- تېمورشاه یوسفزی
يوویشتمه پېړۍ د چټکتيا پېړۍ ګڼله کېږي، یوه داسي پېړۍ چي په لنډ وخت کي يې ډېر هغه څه ممکنه کړل، چي پخوا به افسانې ښکارېدې. هو افسانې!
پخوا به خلګو ویل چي پر ځای به ناست يې او خپل چهارطرفه به وينې، د ورځو سفرونه به ساعتونو او ساعتونو هغې به په دقیقو کي کیږي دا او دې ته ورته، چي په اورېدو به يې انسان هېښ سو.
زما ښه په ياد دي، پلار به مي له هرات څخه کوټي(پښتونخوا) ته ټلیفون کاوه، سهار وختي به د مخابراتو په یو لوی صف کي په نوبت ولاړ وو، چي وخت به يې را ورسېد وربه غی او د کوټي والا...
24.03.2020
- محمود نظری
طنز راغلې ده دنیا ته توره نړیواله وبا نوم یې وايي دی پاچاهي تاج یا کرونا ښه قانون او عدالت زده کړه له کرونا په هغه یو دی لوی شاهنشا اوګدا دهغه لکه دتجارانو حرص لیري ګرځه هغه نه لري د هیڅ سیاستوال هیڅ پروا څوک چي ډیرورته نژدې سي دې پیري ته هغه ته وایي مړینه خوش امدید مرحبا *** وروره لاس نه درکوم ځکه راباندې ګران یې کرونا پښي نه لري دهغه پښې لاسونه دي زما برید ځایونه یې مسجدونه ، کلیساوي او مندرونه دي د بنډارونو او بیروبار ځایونو تښتم نه ګورم...