Gmail دهغه وړيا بريښنا ليک ( E-mail) نوم دی چې په ورستيو وختونو کې دګوګل (Google ) شرکت له خوا دخپلو مينوالو په واک کې ورکړل شوی دی .
دا برښنا ليک دويب پرمخ په دې ادرس ( www.gmail.com يا http\\google.gmail.com ) ترلاسه کولی شو .
Google يو امريکايي شرکت دی چې په 1998 م کال کې جوړ شو ی . اصلي او عمومي خدمتونه يې د نيټ په نړۍ کې د www.google.com ويبسايټ له لارې د معلوماتو لټون دی .
د ګوګل شرکت له خوا د 2004 م کال د اپريل په اوله نيټه ، يو په زړه پورې او عجيب خبر خپور شو چې د نيټ په نړۍ کې يې د اتوم بمب د چاودنې غوندې شور او زوږ يې جوړ کړ .خبر په دې ډول و :
.د ګوګل شرکت به د يو داسې وړيا بريښنا ليک نوی سروس د خپلو مينوالو په واک کې ورکړي چې فضا به يې څه نا څه يو ګيګا بايټه ( 1Gb) وي .
دا خبر په لومړيوشيبو کې نه باور کونکی و او خلکو فکر کاوه چې دا به د اپريل د لومړۍ ورځ دروغ وي چې په غربي نړۍ کې دود دی . خو ددې خبر رښتياوالی په ډيرې چټکۍ سره د ګوګل شرکت مشرانو ، دمعتبرو رسنيو په وړاندې تاييد کړ .
ددې خبر د تاييد نه وروسته د بريښنا ليک دوه پخواني شرکتونه Yahoo Mail او Hotmail
د سختې ويرې سره مخ شول ، دوي فکر کاوه چې کيدای شي د Gmail په راتلو به دوي خپل مشتريان له لاسه ورکړي . ځکه تر دې دمه دغو دوه شرکتونو د خپلو مشتريانو د بريښنا ليک له پاره ډيره کمه فضا په واک کې ورکړې وه . دهمدې انديښنې د له منځه وړو له پاره ، پراخه سيالي پيل شوه چې په پايله کې Yahoo Mail او Hotmail هم په بيړه په خپلو انټرنيټي سرويسونوکې د بريښنا ليکونوله پاره ورکړل شوې فضا زياته کړه او اوس کارن ( User ) دپخوا په شان مجبور نه دي چې د نوي ايميلونو د لاس ته راوړلو له پاره زاړه ايميلونه پاک کړي. .
ددې سيالۍ سره سره د ګوګل شرکت ، د Gmail بريښنا ليک سرويس ، بيا هم د خپلو سيالګرو څخه د مخه دی او خپلو مينوالو ته يې په زړه پورې اسانتياوې برابرې کړې دي
