تحقیقات ښیي چې د غاښونو برسول که له هغه وخته پیل شي چې ماشوم تازه تازه غاښ پیدا کړي وي، نو لا بهتره ده.

 هغه کسان چې ماخوستن غاښونه نه بورسوي خو سهار یېبورسوي، داسې دي لکه غاښونه چې یې بېخي بورس کړي نه دي. د ماخوستن له خوا د غاښونو بورسول، تر بل هر وخت مهم دي. له څیړنو سره سم، اکثره کسان تر خوب څو دقیقې دمخه غاښونه بورسوي، خو ډاکتران توصیه کوي چې د غاښونو د بورسولو تر ټولو ښه وخت هغه دی چې د ماښام له ډوډۍ وروسته سمدستي بورس شي. البته، له هغه وروسته باید څه ونه خوړل شي.

 د بورس په باره کې سپارښتنه کېږي چې په درې میاشتې کې دې یو ځل نوی شي او کله چې بورس د غاښونو د وینځلو لپاره خولې ته داخلېږي، بهتره ده وچ وي. تر لانده بورس په وچ بورس باندې غاښونه ښه پاکېږي.

 که څوک دا حوصله نه لري چې هر ځل له خوړو وروسته غاښونه بورس کړي  نو لږ تر لږه تر سهارنۍ وروسته او خصوصا تر ماښامنۍ وروسته خو دې غاښونه خامخا بورس کړي. ډاکتران وایي چې د یو ځل غاښونو بورسول باید شاوخوا پنځه دقیقې وخت وغواړي.