څولمر مخي دي له شپوسره په جنګ دي
دا سپين ستوري له تيارو سره په جنګ دي
پريوسف يې درس دمينې دی ويلی
له زندان او زولنو سره په جنګ دي
له اورونو دې ډار نه لري ازره !
ستابچي له سرو لمبو سره په جنګ دي
په ولجه کې يې ياغي سرونه راوړل
نابللو ميلمنو سره په جنګ دي
دايمان زرينې وړانګې ورسره دي
له چورلکو او ټانګو سره په جنګ دي
شهادت لره په هسکه غاړه درومي
اتلان دي له پردو سره په جنګ دي
د (افغان)دښمنان څومره ليونيان دي
له سپيڅلو عقيدو سره په جنګ دي
18.05.2013
- مشفق حريتمل
اوس مې هم يو لاس کې توره بل کې ډال دی
دامې فن دامې هنر دامې کمال دی
له فطرته مې نفرت له غلامۍ ده
ماپه سرو وينو ګټلی استقلال دی
په ما پاتې ځواب ځکه دچانشته
ماحل کړی دهرچا دمينې سوال دی
لامې غشی دغليم په ټټر خښ دی
ما مات کړی دهر عصر هر دجال دی
ډير سر مسته...
20.05.2013
- مشفق حريتمل
ماټومبلي په ګريوان غمي د اوښکو
هم په زمکه هم اسمان غمي د اوښکو
د اشناغم خو مې دومره زورور دی
چې خواره دي په بيابان غمي د اوښکو
خزانونو پسرلي شهيدان کړي
زرغون شوي په بوستان غمي د اوښکو
دهجران توره جونګړه کې مې ژوند دی
ځي له سترګو مې باران غمي د اوښکو
دشهيد دا کرا...