ګلابي   
 

د افغانستان د مخابراتو وزارت یو ځل بیا د اینټرنیټ د بیو د ښه کیدو خبره کړې .
ښاغلی سنګین وايي چې په دې هیواد کې یې د انټرنیټ بیه يې په سلو کې پنځوس راټیټه کړي . ښايي ځینو ته به حیرانونکې وي هلته چې له سره انیټرنیټ نه وي د بیو راټیټول به د څه شي خو خیر په دې ټکي پورې به نه نښلو مخکې به ولاړ شو .


د مخابراتو وزارت سرپرست امیرزي سنګین د چارشنیې په ورځ  په کابل کې خبریالانو ته وویل، د نوري فایبر شبکه زیاتو  سیمو ته غځیدلې او اسانتیاوې یې رامنځ ته کړي، له همدې امله باید د انټرنټ شبکې خپلې بیې راټیټې کړي.
خو دا نو اوس به شبکو پورې ده چې د ښاغلي سنګین صیب غوښتنه مني کنه ، ځکه د چې د موبایل شبکو سره حساب ونه کړ د اینټرنیټ شبکې خو یا شته نه او که شته هم د ګیدړې دا قواله نه مني .

نوموړي وویل، له ترکمنستان پرته د نوري فایبر شبکه له نورو ټولو ګاونډیو هیوادونو سره تړل شوې او دننه په افغانستان کې هم د بشپړیدو په حال کې ده.  
خو دا یې ونه ویل چې ولې اوس هم د افغانستان او پاکستان ترمنځ ټیلفونې مکالمه تر بل هر ځای ډیره قیمته ده .

د مخابراتو وزارت سرپرست وویل، چې ددې شبکې له بشپړیدو سره به د انټرنیټی خدماتو کیفیت لاښه او بیې به  یې  نورې هم راټیټې شي.
د نوري فایبر شبکه ،  او د اینټرنیت د بیو ارزانیدل هغه دوه درې کلمې دي چې ښاغلي سنګین یې دا څو کاله اړوي راړوي خو نه يې نوري فایبر بشپړ شو ، نه اینټرنیټ فعال شوی ، ان په افغانستان کې د موبایل تیلفون شبکې هم په درغلیو ولاړې او تر اوسه هم له هیڅ ځایه په اسانۍ نه وصل کېږي
.  دا په داسې حال کې ده چې دا شبکې  له خلکو ښې ډیرې پیسې اخلي .  ځینې له دوی خو بیا د ښاغلي بیات په شان له خلکو د لوټلو او تروړلو پیسو یوه ډیره کمه او ناچیزه  برخه د خپل شهرت لپاره  بیرته پر خلکو لګوي او ځینې یې دا زحمت هم نه باسي .