په میدانښار کې د کرنې پوهنځي پرانستل کېږي
د لوړو زده کړو وزیر د میدان وردک والي ته وعده ورکړه چې په وردک ولایت کې به د پوهنتون د پرانستلو کار د کرنې له پوهنځي څخه پیل کړي.
میدان وردک له دې سره سره، چې ډېر کدرونه لري د افغانستان یو له هغو ولایتونو څخه دی چې تر ډېرو ولایتونو وروسته به پکې د پوهنتون بنسټ ایښوول کېږي. دا په داسي حال کې ده چې د دغه ولایت د خلکو په هڅه د ژورنالیزم انستیتیوت کلونه پخوا جوړ شوی و خو د پوهنې وزارت د دوه کونو معیارونو له کبله د وردک د خلکو له غوښتنې سره مخالفت وشو.
د میدان وردک اوسېدونکي هیله لري چې د لوړو زده کړو نوی وزیرعبیدالله عبید به د تېرو وزیرانو خلاف وسعت نظر ولري او ځان به د هغوی په شان په تنګو او محدودو دایرو کې محصور نه کړي.
د میدان وردک ولایت د مطبوعاتي دفتر له یوې خبرپاڼې سره سم د لوړو زده کړو وزیر د چهازشنبې په ورځ د وردک له والي سره په کتنه کې ژمنه وکړه چې د کابل پوهنتون د کرنې د پوهنځي استادانوته به حق الزحمه ورکړي جچې میدان ته لاړ شي او په دې ښار کې د کرنې نوي پوهنځي ته درس ورکړي.
ښاغلي عبید دغه راز ژمنه وکړه چې د پوهنتون لپاره د ودانۍ تر جوړېدو وروسته به په میدانښار کې نور پوهنځي هم پرذانستل شي.
د وردک والي محمد حلیم فدایي، چې د دې ولایت لپاره د پوهنتون جوړېدا یې لویه هیله وه او پوهنتون یې دخپلو اړینو لومړیتوبونو څخه ګڼلې و د لوړو زده کړو وزیر ته ژمنه ورکړه چې د ولایت مقام او د دې ولایت ولسونه به د لوړو زده کړو له وزارت سره په ګډه د پوهنتون لپاره د یوې مناسبې ودانۍ په جوړلوو کې شپه او ورځ هلې ځلې وکړي او د پوهنتون په ایجاد به دمیدان رودګ ولایت د علمپال ولس د کلونو کلونو هیلو د ترسره کیدو ترڅنګ به د دې ولایت د امنیتي وضعیت په بدلون کې فوق العاده مثبت تغیر راولي.
د ولایتي شورا ریس شیرشاه بازون د ولسونو په استازیتوب له ډاکتر عبدالله عبید څخه مننه وکړه چې د دې ولایت مسولینو او د ولس استازو غوښتنو ته یې مثبت ځواب ووایه او په ۱۳۹۱ لمریز کال کې یې په دغه ولایت کې د پوهنتون د پیل خبر ورکړو.
د یادونې وړ ده چې سږ کال په لومړي ځل په دې ولایت کې د کانکور ازموینه واخیستل شوه چې پکې د دې ولایت ۳۲۳۹ تنو زده کوونکو برخه اخیستې وه چې (۵۶) تنه یې نجونې وې.
اوسمهال په دې ولایت کې (۴۰۱) د پوهنې تعلیمي مرکزونه شته چې (۱۶۰۰۰۰) تنه زده کوونکي پکې په زده کړو بوخت دي.
له تاند څڅه
لیمه وردګ
