په افغانستان کی د نوروز دود
په افغانستان کې واده بېلابېل دودونه لري، چې یو یې هم کوژده شوې جلۍ ته د خسرد کورنۍ له خوا د نوروزي وروړل دي.
د نوروزۍ وړل پخوانی دود دی اوعام خلک یې تر ډیره حده پلویان دي ځکه د هغوي په فکر څومره یې چې له خیښانو سره تګ راتګ ډیر وي په همغه اندازه یې دوستي نوره هم ډیریږي، خو ستونزه دا ده چې ورځ په ورځ د نوروزۍ په اخیستلو کې داسې بدلون راځي چې زوم ته یې له اقتصادي پلوه پوره کول ګران وي.
تجربو ښودلې چې که چیرې د خیښۍ په پیل کې د نوروزۍ او یا داسې نورو مسایلو په باب له خیښانو سره بد چلند وشي نو روښانه ده چې د نجلۍ راتلونکی ژوند تریخیږي.
ډیرکسان بیا له نجلۍ نه دا تمه کوي، چې د خپلې کورنۍ د ډیروغوښتنو مخنیوی دې وکړي، خو تاسو څه فکر کوئ په افغاني ټولنه کې یو نجلۍ کولای شي چې د خپلې کورنۍ مخې ته ودریږي او د بې ځایه دودونو مخه ونیسي.
خو له نیکه مرغه موږ داسې کورنۍ هم لرو چې هغوي ته د خپلو اولادونو ژوند ارزښت لري، لکه څنګه چې د زوی ښه غواړي همداسې د لوراو خور راتلونکې ته هم فکر کوي.
لیمه وردګ
