غزل


نن دې په سرو شونډو پرونۍ خبرې چیرته دي
وایه ستا دمینې لیونۍ خبرې چیرته دي

وختل تر زړه مې دبیلتون دخاموشۍ ازغي
ستا دپسرلي حسن غوټۍ خبرې چیرته دي

څنګه به يې مار دپیغلتوب په نڅا راولم
نور مې په غزل کې دمستۍ خبرې چیرته دي

زما به چې د شین زړه په ورشو کې په ټوپونو وې
هغه ستا بې باکې غرڅنۍ خبرې چیرته دي

پو به يې لمبې چې په رګونو د(حسن) کې کړې
ستا دپیغلتوب هغه سپرغۍخبرې چیرته دي

ډاکتر حسن-لندن