غزل       ...........

 

           په نيم  کښو  تمبو کښې ستا د مخ  ديدار کومه

            راشه ته ګوره څه نيمګړى شان خمار  کومـــــــه

            

 چۍ هر څه کيږي ورله ځم د زړه اظهار کومه

              په ډک محفل کښې په جانان د ګل ګذار کومه

 

                                   ته به تر کومې راکوې دا دروغجنې وعدې

                                    زه به تر څو پورې جانانه  انتظار  کومـــــه

د بې وفا جانان نه طمعه د وفا لرمـــــــــــه

څه ليونى يم څه ناشونى غوندې کار کومه

                          تاته چې زه د خپل خوږمن زړګي زخمونه  ښايم

                            دا لکه زه چې په اسمان د ستورو شمار کومه

خداى خو د نن چرته راپيښ کړه غيبانه درمانه

په بلۍ ناسته يم د لويې لارې څار کومــــــه

              قدرت الله

               درمان