نشته توپیر د دوی ترمیان ،د سړي زړه رڼا شي
د محبت په سود او زیان ،د سړي زړه رڼا شي
منم په نظم د سایل ادب کړي ناز د پښتو
خو په غزل هم د کاروان ،د سړي زړه رڼا شي
چې دا به مینه وي که ښکلي واړه ښه لګیږي
ستا په لیدو خو په ایمان ،د سړي زړه رڼاشي
چې ورته وشي د مور زړه کې د دعا اراده
لکه چې ولولي قران ،د سړي زړه رڼا شي
خدایزه وصال به یې په کومو پسرلو ورګډ کړي
په تصور چې د جانان ،د سړي زړه رڼاشي
ټپه ټپه ده، د ټپي زړونو ټکور ده ټپه
مخلصه! تش په یه قربان ،د سړي زړه رڼا شي
