وچې خبرې
10.12.2014 11:55وچې مه کوه خبرې هیڅ انسان ته
مداماً دې فکر اوسه خپل بیان ته
وچه لښته څنګه غوټه ژر ماتیږي
نتیجه د وچ ویل ده دغه شانته
که خبرو کې دې حِلم او نرمي وه
نو ته پوه شه چې دی فکر دی خپل ځانته
هغه لښته چې وي نرمه نه ماتیږي
ښه دقیق شه د نرمۍ ګټې او زیان ته
بد ویل د هر انسان سابقه ښیي
داعادت یې منسوبیږي خاندان ته
په کوم بڼ کې چې ګلان او تازه ګي وي
افرین دې شي پیشکش هغه باغوان ته
لنډه دا چې ښه اخلاق عالي صفت دی
(اشنا) دا صفت لازم دی هر انسان ته